വിക്രമിനെ നായകനാക്കി അജയ് ജ്ഞാനമുത്തു സംവിധാനം ചെയ്യുന്ന ചിത്രമാണ് കോബ്ര. ക്രിക്കറ്റ് താരം ഇർഫാൻ പത്താന്റെ അരങ്ങേറ്റ ചിത്രം കൂടിയാണ്. കെ.ജി.എഫ് താരം ശ്രീനിധി ഷെട്ടിയാണ് നായിക.എ.ആർ റഹ്മാൻ സംഗീതം ഒരുക്കുന്ന ചിത്രത്തിൽ റോഷൻ മാത്യു, മിയ, സർജാനോ ഖാലിദ് എന്നിവരുമുണ്ട്. ഒട്ടനവധി ഗെറ്റപ്പുകളിലാണ് വിക്രം 'കോബ്രയിൽ' എത്തുന്നത്.
ഇപ്പോഴിതാ ചിത്രത്തിന്റെ വിശേഷങ്ങൾ പങ്കുവയ്ക്കുകയാണ് അണിയറപ്രവർത്തകർ. കൗമുദി മൂവിസിന് നൽകിയ പ്രത്യേക അഭിമുഖത്തിലായിരുന്നു താരങ്ങളുടെ പ്രതികരണം.
'അജയ് എന്ന സംവിധായകന്റെ വിഷൻ വളരെ വലുതാണ്. ടെക്നിക്കൽ വശം ആണെങ്കിലും പ്രമോഷനക്കുറിച്ചായാലും അറിവുണ്ട്. അന്യൻ ചെയ്യുമ്പോൾ വേറെ എക്‌സ്പീരിയൻസായിരുന്നു. ആദ്യം അമ്പി ചെയ്തു. പിന്നെ അന്യൻ ചെയ്തു. ലാസ്റ്റ് റെമോ ചെയ്തു. ആ സമയം വരുമ്പോൾ ക്യാരക്‌ടറായി മാറും.
സിനിമയിലെ ഒരു സീൻ ചെയ്യാൻ ഏറെ ബുദ്ധിമുട്ടി. അമ്പിയെപ്പോലെ വേഷം ധരിച്ച് റെമോ ആയി മാറണം. കണ്ണാടിയിൽ നോക്കിയിട്ട് ഇത് ചെയ്യാൻ ബുദ്ധിമുട്ടുണ്ടായിരുന്നു. ഇത് ശങ്കർ സാറിനോട് പറഞ്ഞിരുന്നു. ക്ലെെമാക്‌സ് ഒക്കെ ഒറ്റ ഷോട്ട് ആയിരുന്നു. 'ഐ' ചെയ്യുന്ന സമയത്ത് നല്ല വെയിറ്റ് കുറഞ്ഞിരുന്നു. ഭാര്യ എന്നോട് മിണ്ടില്ലായിരുന്നു. എന്നെ നോക്കുക പോലും ഇല്ലായിരുന്നു. ധ്രുവിന് പ്രശ്നമൊന്നും ഇല്ലായിരുന്നു'- വിക്രം പറഞ്ഞു.