വട്ടംകുളം: വട്ടംകുളം ഗ്രാമപഞ്ചായത്ത് ദുരന്തനിവാരണവുമായി ബന്ധപ്പെട്ട് അടിയന്തര യോഗം ചേർന്നു. ഗ്രാമപഞ്ചായത്ത് പ്രസിഡന്റ് മജീദ് കഴുങ്കിൽ അദ്ധ്യക്ഷനായി. ദുരന്ത സാദ്ധ്യതാ പ്രദേശങ്ങളിൽ അടിയന്തര സാഹചര്യങ്ങളിൽ നടപ്പിലാക്കേണ്ട കാര്യങ്ങളെക്കുറിച്ച് യോഗം ചർച്ച ചെയ്തു. വാർഡംഗങ്ങളായ ദീപ, എം.എ.നജീബ്, വില്ലേജ് ഓഫീസർ ഷാജു, വില്ലേജ് അസിസ്റ്റന്റ് അനൂപ് രാജ് , വട്ടംകുളം അസിസ്റ്റന്റ് എൻജിനീയർ സന്തോഷ് കുമാർ, പഞ്ചായത്ത് സെക്രട്ടറി ജോതിഷ് കുമാർ, അസിസ്റ്റന്റ് സെക്രട്ടറി അഞ്ജലി, കൺട്രോൾ റൂം ചാർജ്ജുള്ള അബ്ദുൾ നാസർ, കോർ ടീം അംഗങ്ങളായ മുജീബ് റഹ്മാൻ, വിപിൻ ഷമീർ, നിഖിൽ, ഫിറോസ്,​ നോഡൽ ഓഫീസർ നജിത തുടങ്ങിയവർ പങ്കെടുത്തു.