മലപ്പുറം: 168 ാമത് ശ്രീനാരായണ ഗുരുദേവ ജയന്തിയോടനുബന്ധിച്ച് പൊന്നാനി എസ്.എൻ.ഡി.പി യൂണിയന്റെ കീഴിലുള്ള മുന്നൂറോളം വനിതാ മൈക്രോ ഫൈനാൻസ് സ്വയംസഹായാംഗങ്ങൾക്കും 100ഓളം കുമാരിമാർക്കും ഓണപ്പുടവ വിതരണം ചെയ്തു. യൂണിയൻ പ്രസിഡന്റ് ഡോ. പി.കെ.ജയശങ്കർ ഉദ്ഘാടനം ചെയ്തു. സെക്രട്ടറി എം.വി ബാലസുബ്രഹ്മണ്യൻ,​ വൈസ് പ്രസിഡന്റ് സോമസുന്ദരൻ കാക്കൊള്ളിൽ, യോഗം ഡയറക്ടർമാരായ വി.പി.ബാലസുബ്രഹ്മണ്യൻ, പ്രകാശൻ പ്ലാക്കായിൽ, യൂണിയൻ കൗൺസിലർമാരായ കൃഷ്ണപ്രസാദ് വളളിക്കാട്ടിൽ, രവീന്ദ്രൻ കുറ്റിക്കാട്, ഗംഗാധരൻ, വി.വി.സഹദേവൻ, ഗിരിജാ ഗോപാലൻ, സി.കെ.പങ്കജാക്ഷൻ എന്നിവർ സന്നിഹിതരായിരുന്നു.