ഒറ്റപ്പാലം: കോഓപറേറ്റീവ് അർബൻ ബാങ്ക് മെറിറ്റ് ഈവനിംഗ്-2022 സംഘടിപ്പിച്ചു. ഒറ്റപ്പാലം സംഗമം ഓഡിറ്റോറിയത്തിൽ നടന്ന മെറിറ്റ് ഈവനിംഗ് മുൻ വിദ്യാഭ്യാസ മന്ത്രി പ്രൊഫ.സി. രവീന്ദ്രനാഥ് ഉദ്ഘാടനം ചെയ്തു. അഡ്വ.കെ. പ്രേംകുമാർ എം.എൽ.എ അദ്ധ്യക്ഷത വഹിച്ചു. ലക്കിടി കുഞ്ചൻ സ്മാരക ചെയർമാൻ സി.പി. ചിത്രഭാനു, ബാങ്ക് വൈസ് ചെയർമാൻ പി.എം. ദേവദാസ്, ബാങ്ക് സി.ഇ.ഒ കെ.പി. ശങ്കരനാരായണൻ, ബാങ്ക് ചെയർമാൻ ഐ.എം.സതീശൻ, ബാങ്ക് ജനറൽ മാനേജർ സി.പി. സരോജിനി എന്നിവർ സംസാരിച്ചു. ബാങ്കിന്റെ പ്രവർത്തന പരിധിയിലെ സർക്കാർ, എയിഡഡ് മേഖലയിലെ സ്‌കൂളുകളിൽ നിന്ന് എസ്.എസ്. എൽ.സി, പ്ലസ്ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയ 280 പേരെ പ്രൊഫിഷ്യൻസി പ്രൈസും മൊമെൻണ്ടോയും നൽകി അനുമോദിച്ചു. ഒരു സ്‌കൂളിൽ നിന്ന് ഒരു കുട്ടി വീതം ബാങ്ക് പരിധിയിലെ സ്‌കൂളുകളിൽ നിന്ന് ഒൻപതാം ക്ലാസിലെ പഠനത്തിൽ മികവു പുലർത്തുന്നതും സാമ്പത്തികമായി പിന്നാക്കം നിൽക്കുന്നതുമായ 15 കുട്ടികൾക്ക് സ്‌കോളർഷിപ്പും വിതരണം ചെയ്തു.