ചെന്നീർക്കര : ഗ്രാമപഞ്ചായത്തിലെ തരിശ് പുരയിടങ്ങളിലും ടാപ്പിംഗ് നടത്താതെ കാട് പിടിച്ച് കിടക്കുന്ന റബർ തോട്ടങ്ങളിലും പന്നി ശല്യം രൂക്ഷമായ സാഹചര്യത്തിൽ സ്ഥലം ഉടമസ്ഥർ അടിയന്തരമായി കാട് വെട്ടിതെളിക്കണമെന്ന് പഞ്ചായത്ത് സെക്രട്ടറി അറിയിച്ചു. സ്വകാര്യ വ്യക്തികളുടെ സ്ഥലത്ത് അപകടകരമായി നിൽക്കുന്ന മരങ്ങൾ ഒടിഞ്ഞ് വീണ് വ്യക്തികളുടെ ജീവനോ സ്വത്തിനോ അപകടം സംഭവിക്കാതിരിക്കാൻ വസ്തു ഉടമസ്ഥർ സ്വന്തം ഉത്തരവാദിത്വത്തിൽ മരങ്ങൾ മുറിച്ച് മാറ്റേണ്ടതാണ്. അല്ലാത്തപക്ഷം ഇതുമൂലം ഉണ്ടാകുന്ന സകലമാന കഷ്ടനഷ്ടങ്ങൾക്കും വസ്തു ഉടമസ്ഥർ മാത്രം ആയിരിക്കും ഉത്തരവാദിയെന്ന് പഞ്ചായത്ത് സെക്രട്ടറി അറിയിച്ചു.