മല്ലപ്പള്ളി : മല്ലപ്പള്ളി മിനി സിവിൽ സ്റ്റേഷനിൽ പ്രവർത്തിക്കുന്ന ഉപജില്ലാ വിദ്യാഭ്യാസ ഓഫീസ് നവീകരിച്ചു. പൊതു മരാമത്ത് വകുപ്പിന്റെയും പ്രധമാദ്ധ്യാപക ഫോറത്തിന്റെയും ഓഫീസ് ജീവനക്കാരുടെയും കൂട്ടായ പരിശ്രമ ഫലമായാണ് മനോഹരമായ രീതിയിൽ കുറഞ്ഞ ചിലവിൽ ഓഫീസ് നവീകരണം പൂർത്തീകരിച്ചത്. കേവലം ഒരു മാസം കൊണ്ട് ഓഫീസ് ആധുനീകരിതിയിൽ നവീകരിച്ച് ഉദ്ഘാടനം നടത്തി മാതൃകയായിരിക്കുകയാണ് ജീവനക്കാർ . ഉദ്ഘാടനത്തോട് അനുബന്ധിച്ച് ലോക സൗഹൃദദിനത്തിൽ വിരമിച്ച അദ്ധ്യാപകരേയും മറ്റ് ഉദ്യോഗസ്ഥരേയും നിലവിലെ ഉപജില്ലയിലെ മുഴുവൻ പ്രധമാദ്ധ്യാപകരേയും താലൂക്കിലെ വിവിധ സർക്കാർ ഓഫീസുകളിലെ ജീവനക്കാരേയും ഉൾപ്പെടുത്തി വിപുലമായ സൗഹൃദ സദസും നടത്തി. ഓഫീസിന്റെയും സൗഹൃദ സദസിന്റെയും ഉദ്ഘാടനം തിരുവല്ല ജില്ലാ വിദ്യാഭ്യാസ ഓഫീസർ പ്രസീന പി.ആർ നിർവഹിച്ചു. ഓഫീസിനകവും പുറവും നിരവധി ചെടികളാലും മറ്റും അലങ്കരിച്ച് മനോഹരമാക്കിയിട്ടുണ്ട്.