ചെങ്ങന്നൂർ: ഒന്നാമത് ആലാ ശ്രീനാരായണ കൺവെൻഷന് മുന്നോടിയായി എസ്.എൻ.ഡി.പിയോഗം ചെങ്ങന്നൂർ യൂണിയൻ അഡ്.കമ്മിറ്റിയുടെയും പോഷകസംഘടനാ യൂണിയൻ ഭാരവാഹികളുടെയും ആലാചെറിയനാട് എസ്.എൻ.ഡി.പി.മേഖലയുടെയും സംയുക്ത പ്രവർത്തകയോഗം ഇന്ന് വൈകിട്ട് 3ന് ആലാ 71-ാം നമ്പർ ശാഖാ യോഗ അങ്കണത്തിൽ നടക്കും. യൂണിയൻ ചെയർമാൻ അനിൽ അമ്പാടി ഉദ്ഘാടനം ചെയ്യും. യൂണിയൻ കൺവീനർ അനിൽ പി.ശ്രീരംഗം അദ്ധ്യക്ഷത വഹിക്കും. യൂണിയൻ അഡ്.കമ്മിറ്റി അംഗങ്ങളായ കെ.ആർ മോഹനൻ, എസ്. ദേവരാജൻ, ബി. ജയപ്രകാശ്, സുരേഷ് എം.പി, കെ.ആർ.മോഹനൻ കൊഴുവല്ലൂർ, അനിൽ കണ്ണാടി, വനിതാസംഘം യൂണിയൻ പ്രസിഡന്റ് ഐഷാ പുരുഷോത്തമൻ, വൈസ് പ്രസിഡന്റ് ശ്രീകുമാരി ഷാജി, സെക്രട്ടറി റീന അനിൽ, കോ-ഓർഡിനേറ്റർ ശ്രീകല സന്തോഷ്, യൂത്ത്മൂവ്‌മെന്റ് യൂണിയൻ പ്രസിഡന്റ് ദേവദാസ് രവീന്ദ്രൻ, വൈസ് പ്രസിഡന്റ് ഷോൺ മോഹൻ, സെക്രട്ടറി രാഹുൽരാജ്, വൈദികയോഗം പ്രസിഡന്റ് സൈജു പി.സോമൻ, സെക്രട്ടറി ജയദേവൻ തന്ത്രി എന്നിവർ പ്രസംഗിക്കും. 71-ാം നമ്പർ ആലാ ശാഖാ പ്രസിഡന്റ് പി.കെ.പുരുഷോത്തമൻ സ്വാഗതവും സെക്രട്ടറി പി.ഡി.വാസുദേവൻ നന്ദിയും പറയും.