പത്തനംതിട്ട: ഓണക്കാലത്ത് മദ്യം, മയക്കുമരുന്ന് എന്നിവയുടെ ഉൽപ്പാദനവും, വിപണനവും കൂടാനുള്ള സാദ്ധ്യത കണക്കിലെടുത്ത് ജില്ലയിൽ എക്‌സൈസ് വകുപ്പ് അഞ്ച് മുതൽ സെപ്തംബർ 12 വരെ ജാഗ്രതാ ദിനങ്ങളായി പ്രഖ്യാപിച്ചു. ഡെപ്യൂട്ടി എക്‌സൈസ് കമ്മിഷണറുടെ ഓഫീസ് കേന്ദ്രീകരിച്ച് 24 മണിക്കൂറും പ്രവർത്തിക്കുന്ന എക്‌സൈസ് കൺട്രോൾ റൂം തുറന്നു. ജില്ലയിലെ രണ്ട് ഓഫീസുകൾ കേന്ദ്രമാക്കി രണ്ട് സ്‌ട്രൈക്കിംഗ് ഫോഴ്‌സ് പ്രത്യേകമായി രൂപീകരിച്ചു. പരാതികളിലും, രഹസ്യവിവരങ്ങളിലും അടിയന്തര നടപടി എടുക്കും. സംശയാസ്പദമായ സാഹചര്യങ്ങളിൽ അടിയന്തരമായി ഇടപെടുന്നതിന് ഡെപ്യൂട്ടി എക്‌സൈസ് കമ്മിഷണറുടെ പ്രത്യേക ഇന്റലിജൻസ് ടീമിനേയും സജ്ജമാക്കി. മദ്യം, മയക്കുമരുന്ന് എന്നിവയുടെ വിപണനം നിരീക്ഷിക്കുന്നതിനും, റിപ്പോർട്ട് ചെയ്യുന്നതിനുമായി ഷാഡോ എക്‌സൈസ് ടീമിനെ നിയോഗിച്ചു. മദ്യ ഉല്പാദന വിപണനകേന്ദ്രങ്ങളിലും, വനപ്രദേശങ്ങളിലും പൊലീസ്, ഫോറസ്റ്റ്, റവന്യൂ എന്നീ വകുപ്പുകളുമായി സഹകരിച്ച് സംയുക്ത റെയ്ഡുകൾ ആരംഭിച്ചു.
രാത്രികാലങ്ങളിൽ വാഹനപരിശോധനകൾ കർശനമാക്കി. വാഹന പരിശോധനകൾക്കായി പ്രത്യേക ടീമിനെ സജ്ജമാക്കി. ജില്ലയിലെ പ്രധാന പാതകളിലെല്ലാംഎക്‌സൈസ് ഫോഴ്‌സിന്റെ പ്രത്യേക നിരീക്ഷണം ഏർപ്പെടുത്തി. സംശയാസ്പദമായ സാഹചര്യത്തിലുള്ള വാഹനങ്ങൾ, കടകൾ, തുറസായ സ്ഥലങ്ങൾ, സ്ഥാപനങ്ങൾ എന്നിവ കർശനമായും പരിശോധിക്കും. കള്ളുഷാപ്പുകൾ, ബാറുകൾ, മറ്റ് ലൈസൻസ് സ്ഥാപനങ്ങൾ എന്നിവ കർശന നിരീക്ഷണത്തിന് വിധേയമാക്കി പരിശോധനകൾ നടത്തി സാമ്പിളുകൾ എടുത്തുവരുന്നു. വ്യാപാരസ്ഥാപനങ്ങൾ കേന്ദ്രീകരിച്ച് നടക്കുന്ന പാൻമസാല, പാൻപരാഗ്, മറ്റ് ലഹരിവസ്തുക്കളുടെ വിൽപ്പന കർശനമായി തടയുന്നതിന് നിർദേശങ്ങൾ നൽകി. മദ്യമയക്കുമരുന്നുമായി ബന്ധപ്പെട്ട രഹസ്യവിവരങ്ങൾ കൺട്രോൾ റൂം നമ്പരുകളിൽ അറിയിക്കണമെന്ന് ഡെപ്യൂട്ടി എക്‌സൈസ് കമ്മിഷണർ വി.എ. പ്രദീപ് അറിയിച്ചു. ജില്ലാ കൺട്രോൾറൂം പത്തനംതിട്ട 04682222873, ടോൾഫ്രീ നമ്പർ 1055, ഡെപ്യൂട്ടി എക്‌സൈസ് കമ്മീഷണർ പത്തനംതിട്ട 9447178055, അസി. എക്‌സൈസ് കമ്മീഷണർ പത്തനംതിട്ട 9496002863, എക്‌സൈസ് സർക്കിൾ ഇൻസ്‌പെക്ടർ, എക്‌സൈസ് എൻഫോഴ്‌സ്‌മെന്റ്
ആന്റ് ആന്റി നാർക്കോട്ടിക്ക് സ്‌പെഷ്യൽ സ്‌ക്വാഡ് പത്തനംതിട്ട 9400069473, എക്‌സൈസ് സർക്കിൾ ഇൻസ്‌പെക്ടർ പത്തനംതിട്ട 9400069466, എക്‌സൈസ് സർക്കിൾ ഇൻസ്‌പെക്ടർ അടൂർ 9400069464, എക്‌സൈസ് സർക്കിൾ ഇൻസ്‌പെക്ടർ റാന്നി 9400069468, എക്‌സൈസ് സർക്കിൾ ഇൻസ്‌പെക്ടർ മല്ലപ്പള്ളി 9400069470, എക്‌സൈസ് സർക്കിൾ ഇൻസ്‌പെക്ടർ തിരുവല്ല 9400069472, എക്‌സൈസ് ഇൻസ്‌പെക്ടർ എക്‌സൈസ് റേഞ്ച് ഓഫീസ് പത്തനംതിട്ട 9400069476,
എക്‌സൈസ് ഇൻസ്‌പെക്ടർ എക്‌സൈസ് റേഞ്ച് ഓഫീസ് കോന്നി 9400069477, എക്‌സൈസ് ഇൻസ്‌പെക്ടർ, എക്‌സൈസ് റേഞ്ച് ഓഫീസ് റാന്നി 9400069478, എക്‌സൈസ് ഇൻസ്‌പെക്ടർ എക്‌സൈസ് റേഞ്ച് ഓഫീസ് ചിറ്റാർ 9400069479, എക്‌സൈസ് റേഞ്ച് ഓഫീസ് അടൂർ 9400069475, എക്‌സൈസ് ഇൻസ്‌പെക്ടർ എക്‌സൈസ് റേഞ്ച് ഓഫീസ് മല്ലപ്പള്ളി 9400069480,എക്‌സൈസ് ഇൻസ്‌പെക്ടർ എക്‌സൈസ് റേഞ്ച് ഓഫീസ് തിരുവല്ല 9400069481.