തിരുവല്ല: നഗരസഭ ആരോഗ്യവിഭാഗം നടത്തിയ മിന്നൽ പരിശോധനയിൽ ആശുപത്രി കാന്റീനുകൾ അടക്കം തിരുവല്ലയിലെ വിവിധ ഹോട്ടലുകളിൽ നിന്നും പഴകിയ ഭക്ഷണ സാധനങ്ങളും നിരോധിത പ്ലാസ്റ്റിക് ഉൽപ്പന്നങ്ങളും പ്ലാസ്റ്റിക് ഉൽപ്പന്നങ്ങളും പിടികൂടി. മെഡിക്കൽ മിഷൻ ആശുപത്രി കാന്റിൻ, സമീപത്തെ ഓയിസ്റ്റർ, പുഷ്പഗിരി മെഡിക്കൽ കോളേജ് വളപ്പിലെ ജോസിൻ ഫുഡ് കോർട്ട്, ചിലങ്ക ജംഗ്ഷനിൽ പ്രവർത്തിക്കുന്ന എൻഹാൻസ്, ബൈപാസിലെ ഷാജി പാപ്പാൻ എന്നിവിടങ്ങളിൽ നടത്തിയ പരിശോധനയിൽ പഴകിയ ഭക്ഷ്യവസ്തുക്കൾ പിടികൂടിയത്. ഹെൽത്ത് സൂപ്പർവൈസർ കെ.ശ്രീകുമാർ, ഹെൽത്ത് ഇൻസ്പെക്ടറന്മാരായ എ.ബി.ഷാജഹാൻ, ജെ.എച്ച്.ഐ മാരായ പി.മോഹനൻ, ഇ കെ മനോജ് എന്നിവരടങ്ങുന്ന സംഘത്തിന്റെ നേതൃത്വത്തിലായിരുന്നു പരിശോധന.