ചെങ്ങന്നൂർ : എസ്.എൻ.ഡി.പി യോഗം ചെങ്ങന്നൂർ യൂണിയന്റെ പരിധിയിലുള്ള എല്ലാ ശാഖകളിലും കൺവെൻഷൻ എന്ന ലക്ഷ്യവുമായി 73ാം നമ്പർ കാരയ്ക്കാട് ശാഖയുടെ ആഭിമുഖ്യത്തിലുള്ള ഒന്നാമത് ശ്രീനാരായണ കൺവെൻഷൻ ഇന്ന് തുടങ്ങും.
കൺവെൻഷന്റെ ഉദ്ഘാടനം കേരള സാഹിത്യ അക്കാഡമി അവാർഡ്‌ ജേതാവും നോവലിസ്റ്റുമായ ബെന്യാമൻ നിർവഹിക്കും ആത്മീയ പ്രഭാഷകൻ ഡോ.എം.എം.ബഷീർ മുഖ്യപ്രഭാഷണം നടത്തും. ശാഖ വക നവതി സ്മാരകഹാളിൽ രാവിലെ പത്തിന് കൂടുന്ന സമ്മേളനത്തിൽ യൂണിയൻ ചെയർമാൻ അനിൽ അമ്പാടി അദ്ധ്യക്ഷനായിരിക്കും. യൂണിയൻ വൈസ് ചെയർമാൻ രാഖേഷ് പി.ആർ., യൂണിയൻ അഡ്.കമ്മിറ്റി അംഗങ്ങളായ കെ.ആർ.മോഹനൻ, മോഹനൻ കൊഴുവല്ലൂർ, എസ്.ദേവരാജൻ, ബി.ജയപ്രകാശ്, സുരേഷ് വല്ലന, അനിൽ കണ്ണാടി, മുളക്കുഴ ഗ്രാമപഞ്ചായത്ത് വൈസ് പ്രസിഡന്റ് രമാമോഹൻ, ശാഖാ പ്രസിഡന്റ് എൻ.ഗോപിനാഥനുണ്ണി, ശാഖാ വൈസ് പ്രസിഡന്റ് കെ.എൻ.വാമദേവൻ, ശാഖാ സെക്രട്ടറി റ്റി.എൻ.സുധാകരൻ എന്നിവർ പ്രസംഗിക്കും. യൂണിയൻ കൺവീനർ അനിൽ പി.ശ്രീരംഗം സ്വാഗതവും കൺവെൻഷൻ ജനറൽ കൺവീനർ സുജിത് ബാബു നന്ദിയും പറയും.
ഇന്ന് വൈകിട്ട് 4 ന് ഗുരുവിന്റെ ഈശ്വരീയത എന്ന വിഷയത്തിൽ സുരേഷ് പരമേശ്വരൻ പ്രഭാഷണം നടത്തും. നാളെ വൈകിട്ട് 4 ന് ദൈവദശകം ഒരു പഠനം എന്ന വിഷയത്തിൽ ശശികുമാർ പത്തിയൂരും സമാപനദിവസമായ 8 ന് വൈകിട്ട് 4 ന് ഗുരുദർശനം കുടുംബ ബന്ധങ്ങളിലൂടെ എന്ന വിഷയത്തിൽ ഡോ.അനൂപ് വൈക്കവും പ്രഭാഷണം നടത്തും.
ഇന്ന് രാവിലെ 6മണിക്ക് അഷ്ടദ്രവ്യമഹാഗണപതിഹോമം, നാളെ രാവിലെ 9 ന് മൃത്യുഞ്ജയഹോമം. 8 ന് രാവിലെ 8 ന് വിശ്വശാന്തിഹവനം. എല്ലാ ദിവസവും ഗുരുപൂജയും ഗുരുപുഷ്പാഞ്ജലി, ശാരദാപൂജ, ഭാഗ്യസൂക്ത പുഷ്പാഞ്ജലി, ഐക്യമത്യ പുഷ്പാഞ്ജലി, വിദ്യാഗോപാലമന്ത്രാർച്ചന എന്നീ പൂജകളും വൈദികയോഗം യൂണിയന്റെ നേതൃത്വത്തിൽ നടത്തും.
ഞായറാഴ്ച വൈകിട്ട് 7ന് നൃത്ത്യനൃത്ത്യങ്ങൾ, സമാപനദിവസമായ തിങ്കളാഴ്ച തിരുവനന്തപുരം സംഘകേളി അവതരിപ്പിക്കുന്ന നാടകം തുടങ്ങിയ കലാപരിപാടികൾ ഉണ്ടായിരിക്കും.