പത്തനംതിട്ട : ജില്ലയിലെ 77 ദുരിതാശ്വാസ ക്യാമ്പുകളിലായി കഴിയുന്നത് 2747പേർ. ഇതിൽ 843 കുടുംബങ്ങളിലെ 1114 പുരുഷന്മാരും 1194 സ്ത്രീകളും 439 കുട്ടികളും ഉൾപ്പെടുന്നു. തിരുവല്ല താലൂക്കിലാണ് ഏറ്റവും കൂടുതൽ ക്യാമ്പുകളുള്ളത്. ഇവിടെ 57 ക്യാമ്പുകളിലായി 2234പേർ കഴിയുന്നു.

താലൂക്ക്, ക്യാമ്പുകൾ, കുടുംബങ്ങൾ, ആകെ ആളുകൾ

എന്ന ക്രമത്തിൽ

കോഴഞ്ചേരി : 12, 129, 416.

റാന്നി : 5, 13, 47.

മല്ലപ്പള്ളി : 1, 11, 41

കോന്നി : 1, 1, 3

അടൂർ : 1, 3, 6

ജാഗ്രതാ നിർദേശം
ശബരിഗിരി ജലവൈദ്യുത പദ്ധതിയുടെ ഭാഗമായ കക്കി ആനത്തോട് റിസർവോയറിന്റെ വൃഷ്ടി പ്രദേശത്ത് ശക്തമായ മഴ തുടരുന്നതിനാൽ കെ.എസ്.ഇ.ബി അണക്കെട്ട് സുരക്ഷാ വിഭാഗം ഓറഞ്ച് അലർട്ട് പ്രഖ്യാപിച്ചിട്ടുണ്ട്. ആവശ്യമെങ്കിൽ റിസർവോയറിൽ നിന്ന് നിയന്ത്രിത അളവിൽ ജലം തുറന്നു വിടും. ജനങ്ങൾക്ക് ജാഗ്രത നിർദേശം നൽകിയിട്ടുണ്ട്.