തിരുവല്ല : ട്രെയിനിന്റെ എൻജിന് മുമ്പിൽ കുടുങ്ങിയ നിലയിൽ യുവാവിന്റേതെന്ന് സംശയിക്കുന്ന മൃതദേഹം തിരുവല്ല റെയിൽവേ സ്റ്റേഷനിൽ നിന്ന് കണ്ടെത്തി. ഇന്നലെ വൈകിട്ട് ആറരയ്ക്ക് തിരുവല്ല സ്റ്റേഷനിലെ രണ്ടാം പ്ലാറ്റ്‌ഫോമിൽ എത്തിയ കോട്ടയം നാഗർകോവിൽ എക്‌സ്പ്രസിന്റെ മുമ്പിലാണ് ഛിഹ്നഭിന്നമായ നിലയിൽ മൃതദേഹം കാണപ്പെട്ടത്. മൃതദേഹം കോഴഞ്ചേരി ജില്ലാ ആശുപത്രി മോർച്ചറിയിലേക്ക് മറ്റിയതായി തിരുവല്ല പൊലീസ് പറഞ്ഞു.