പത്തനംതിട്ട : വള്ളിക്കോട് സർവീസ് സഹകരണ ബാങ്കിന്റെ മായാലിൽ ബ്രാഞ്ച് മന്ദിരത്തിന്റെ ശിലാസ്ഥാപനവും ലാഭവിഹിതത്തിന്റേയും ഗ്രൂപ്പ് വായ്പാ ഇൻസെന്റീവിന്റെയും വിതരണോദ്ഘാടനവും ഇന്ന് വൈകിട്ട് 4ന് മായാലിൽ ജംഗ്ഷനിൽ നടക്കും. കെ.യു ജനീഷ് കുമാർ എം.എൽ.എ ശിലാസ്ഥാപനം നിർവഹിക്കും. വള്ളിക്കോട് ഗ്രാമപഞ്ചായത്ത് പ്രസിഡന്റ് ആർ. മോഹനൻ നായർ ലാഭ വിഹിത വിതരണം നടത്തും. പത്തനംതിട്ട സഹകരണ സംഘം ജോ. രജിസ്ട്രാർ എം.പി ഹിരൺ ഇൻസെന്റീവ് വിതരണം ചെയ്യും. ബാങ്ക് പ്രസിഡന്റ് പി.ജെ അജയകുമാർ അദ്ധ്യക്ഷത വഹിക്കും.