റാന്നി: പുതുക്കി നിർമ്മിച്ച പെരുനാട് സപ്ലൈകോയുടെ ഉദ്ഘാടനം മന്ത്രി ജി.ആർ അനിൽ ഓൺലൈനായി നിർവഹിച്ചു. യോഗത്തിൽ അഡ്വ.പ്രമോദ് നാരായൺ എം.എൽ.എ അദ്ധ്യക്ഷത വഹിച്ചു. പഞ്ചായത്ത് പ്രസിഡന്റ് പി.എസ് മോഹനൻ ആദ്യ വില്പന നടത്തി. ബ്ലോക്ക് പഞ്ചായത്ത് പ്രസിഡന്റ് കെ എസ് ഗോപി, പഞ്ചായത്ത് വൈസ് പ്രസിഡന്റ് ഡി.ശ്രീകല, ജില്ലാ പഞ്ചായത്തംഗം ലേഖാ സുരേഷ്, സപ്ലൈകോ കോട്ടയം മേഖല മാനേജർ എം.സുൽഫിക്കർ, എം.എസ് ശ്യാം ,റോബിൻ കെ.തോമസ്, സി.സുരേഷ്, എം.സി രാമചന്ദ്രൻ, വിജയമോഹൻ എന്നിവർ സംസാരിച്ചു.