ചെങ്ങന്നൂർ: എസ്.എൻ.ഡി.പി.യോഗം ചെങ്ങന്നൂർ യൂണിയന്റെ ആഭിമുഖ്യത്തിൽ യൂണിയൻ ഷോപ്പിംഗ്‌കോപ്ലക്‌സിലെ സരസകവി മൂലൂർ സ്മാരക ഹാളിൽ ഇന്നും നാളെയും വിവാഹപൂർവ കൗൺസലിംഗ് ക്ലാസുകൾ നടക്കും. ഇന്ന് രാവിലെ 9.30 ന് യൂണിയൻ അഡ്.കമ്മിറ്റി വൈസ് ചെയർമാൻ രാഖേഷ് പി.ആറിന്റെ അദ്ധ്യക്ഷതയിൽ കൂടുന്നയോഗത്തിൽ യൂണിയൻ ചെയർമാൻ അനിൽ അമ്പാടി ഉദ്ഘാടനം ചെയ്യും. യൂണിയൻ അഡ്.കമ്മിറ്റി അംഗം മോഹനൻ കൊഴുവല്ലൂർ സ്വാഗതവും സുരേഷ് വല്ലന നന്ദിയും പറയും. രാജേഷ് പൊന്മല, സുരേഷ് പരമേശ്വരൻ, ആശാപ്രദീപ്, കൊടുവഴങ്ങ ബാലകൃഷ്ണൻ,ഡോ.അനൂപ് വൈക്കം,ഡോ.ശരത് ചന്ദ്രൻ എന്നിവർ വിവിധ വിഷയങ്ങളിൽ ക്ലാസ് നയിക്കും.
21 ന് വൈകിട്ട് 4.30 ന് യൂണിയൻ അഡ്.കമ്മിറ്റി അംഗം കെ.ആർ.മോഹനന്റെ അദ്ധ്യക്ഷതയിൽ കൂടുന്ന സമാപനയോഗത്തിൽ യൂണിയൻ കൺവീനർ അനിൽ പി. ശ്രീരംഗം പഠിതാക്കൾക്കുള്ള സർട്ടിഫിക്കറ്റുകൾ വിതരണം ചെയ്യും. യൂണിയൻ അഡ്. കമ്മിറ്റി അംഗം ബി.ജയപ്രകാശ് തൊട്ടാവാടി സ്വാഗതവും എസ്.ദേവരാജൻ നന്ദിയും പറയും.