ചെങ്ങന്നൂർ : സംസ്ഥാന സർക്കാരിന്റെ ഒരു വർഷം ഒരു ലക്ഷം സംരംഭങ്ങൾ പദ്ധതിയുടെ ഭാഗമായി ലോൺ -ലൈസൻസ്-സബ്‌സിഡി മേള സംഘടിപ്പിച്ചു. ചെങ്ങന്നൂർ താലൂക്ക് വ്യവസായ ഓഫീസിന്റെയും വെണ്മണി പഞ്ചായത്തിന്റെയും നേതൃത്വത്തിൽ നടന്ന മേള ബ്‌ളോക്ക് പഞ്ചായത്ത് പ്രസിഡന്റ് ജെബിൻ.പി വർഗീസ് ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് പി.ആർ രമേശ് കുമാർ അദ്ധ്യക്ഷത വഹിച്ചു. ചെങ്ങന്നൂർ ബ്ലോക്ക് വ്യവസായ ഓഫീസർ സി.കെ ദീപ്തി സ്വാഗതം അറിയിച്ചു.
പഞ്ചായത്ത് അംഗങ്ങളായ മനോജ് എം.മുരളി, മനോഹരൻ മണക്കാല, രാധമ്മ ടീച്ചർ, അസിസ്റ്റന്റ് സെക്രട്ടറി ജ്യോതി.എസ്, സി.ഡി.എസ് ചെയർ പേഴ്‌സൺ സുധർമ്മ എം.കെ എന്നിവർ പ്രസംഗിച്ചു. യോഗത്തിൽ 30.72 ലക്ഷം രൂപയുടെ ലോൺ അനുവദിച്ചു. 1.10 കോടി രൂപയുടെ അപേക്ഷകൾ പരിഗണിച്ചു. പഞ്ചായത്ത് ലൈസൻസ്, കെ.സ്വിഫ്റ്റ്, ഉദ്യം, എഫ്.എസ്.എസ്.ഐ, പി.സി.ബി ലൈസൻസ് തുടങ്ങിയവയുടെ വിതരണവും രജിസ്‌ട്രേഷനും നടത്തി.