കോന്നി: എസ്.എൻ.ഡി.പി യോഗം 414 നമ്പർ വള്ളിയാനി പരപ്പനാൽ ശാഖയിലെ വിശേഷാൽ പൊതുയോഗം 28 ന് നടക്കും. ശാഖ പ്രസിഡന്റ് പി.ആർ. ഗിരീഷ് അദ്ധ്യക്ഷത വഹിക്കും. യൂണിയൻ പ്രസിഡന്റ് കെ.പദ്മകുമാർ, യോഗം അസിസ്റ്റന്റ് സെക്രട്ടറി ടി.പി.സുന്ദരേശൻ, യൂണിയൻ സെക്രട്ടറി ഡി.അനിൽകുമാർ, യൂണിയൻ കൗൺസിലർ എസ്. സജിനാഥ്, മൈക്രോ ഫിനാൻസ് യൂണിയൻ കോ ഓർഡിനേറ്റർ കെ.ആർ.സലീലനാഥ്, ശാഖ സെക്രട്ടറി കെ.കാർത്തികേയൻ എന്നിവർ പ്രസംഗിക്കും.പഠനോപകരണങ്ങളും എസ്.എസ്. എൽ.സി, പ്ലസ് ടു പരീക്ഷകളിൽ മികച്ച വിജയം കരസ്ഥമാക്കിയ വിദ്യാർത്ഥികൾക്കുള്ള എൻഡോവ്മെന്റുകളും വിതരണം ചെയ്യും.