ചെങ്ങന്നൂർ: ഓടിക്കൊണ്ടിരുന്ന കാറിന് തീപിടിച്ചു . ഡ്രൈവർ തിരുവല്ല സ്വദേശി രാജു രക്ഷപ്പെട്ടു. കാർ പൂർണമായി കത്തിനശിച്ചു. ഇന്നലെ വൈകിട്ട് 4.30ന് ചെങ്ങന്നൂർ തെക്കേമല റോഡിൽ അങ്ങാടിക്കലാണ് സംഭവം. വാഹനത്തിൽ തീ കണ്ടതോടെ പുറത്തിറങ്ങിയ രാജു ഫയർഫോഴ്സിനെ വിവരം അറിയിച്ചു. സ്റ്റേഷൻ ഓഫീസർ സുനിൽ ജോസഫിന്റെ നേതൃത്വത്തിൽ എത്തിയ ഫയർഫോഴ്സ് സംഘം തീ നിയന്ത്രണ വിധേയമാക്കി.