റാന്നി: റീ ബിൽഡ് കേരള പദ്ധതിയിൽ ഉൾപ്പെട്ടിരുന്ന രണ്ട് റോഡുകൾക്ക് കൂടി നിർമ്മാണത്തിന് ഭരണാനുമതിയായതായി അഡ്വ.പ്രമോദ് നാരായൺ എം.എൽ.എ അറിയിച്ചു. റാന്നി പഞ്ചായത്തിലെ രാമപുരം ഇല്ലത്ത് പടി റോഡ് ,കോട്ടാങ്ങൽ പഞ്ചായത്തിലെ പാപ്പനാട്ടുപടി പഞ്ചായത്ത് പടി റോഡ് എന്നിവയ്ക്കാണ് പുതുതായി ഭരണാനുമതി ലഭിച്ചത്. സാങ്കേതിക അനുമതി കൂടി ലഭിച്ചാൽ ഇവയുടെ നിർമ്മാണം ടെൻഡർ ചെയ്യാനാകും. റീ ബിൽഡ് കേരളയുടെ പട്ടികയിൽ റാന്നി നിയോജക മണ്ഡലത്തിലെ 22 റോഡുകളാണ് ഉൾപ്പെട്ടിരിക്കുന്നത്. ഇവയിൽ ചണ്ണ കുരുമ്പൻമൂഴി റോഡ്, റേഷൻകടപ്പടി മുളന്താനം റോഡ്, മേലേപ്പടി ചെല്ലക്കാട് റോഡ്, കിളിയാനിക്കൽ തൂളികുളം റോഡ്, മടുക്കമൂട് അയ്യപ്പ മെഡിക്കൽ കോളേജ് റോഡ്, ബംഗ്ലാം കടവ് വലിയകുളം റോഡ്, ബംഗ്ലാംകടവ് സ്റ്റേഡിയം റോഡ്, പാറക്കാവ് വാഴക്കുഴി റോഡ്, സി.കെ റോഡ്, കോയിപ്പള്ളി മേലേപ്പടി മേലേതിൽപ്പടി റോഡ്, അത്തിക്കയം കടു മീഞ്ചിറ റോഡ്, വലിയപറമ്പിൽ പടി ഈട്ടിച്ചുവട് റോഡ്,കണ്ണങ്കര ഇടമുറി റോഡ് എന്നിവയിൽ ചിലവയുടെ ടെൻഡർ നടപടികൾ പൂർത്തിയാക്കുകയും ചിലവഴിയുടെ നിർമ്മാണം ആരംഭിക്കുകയും ചെയ്തു. പൂവന്മല പനംപ്ലാക്കൽ റോഡ് പലതവണ ടെൻഡർ ചെയ്‌തെങ്കിലും ആരും കരാർ ഏറ്റെടുത്തിട്ടില്ല. ഇനി തുക ഉയർത്തി ചെയ്യാനുള്ള നടപടികൾ സ്വീകരിച്ചു വരികയാണ്.