കൊല്ലം: മദ്യപിച്ചെത്തി ഭാര്യയുമായി വഴക്കിട്ട് വീടിന് തീയിട്ട് നശിപ്പിക്കാൻ ശ്രമം. കഴിഞ്ഞ ദിവസം പുലർച്ചെ 1 മണിയോടെ നടന്ന സംഭവത്തിൽ പാരിപ്പളളി എഴിപ്പുറം അഫ്‌സൽ മൻസിലിൽ അസിമിനെ (49) പാരിപ്പള്ളി പൊലീസ് അറസ്റ്റ് ചെയ്തു. 2001 ൽ വിവാഹം കഴിഞ്ഞ ഇയാൾ 2006 മുതൽ പല കാരണങ്ങൾ പറഞ്ഞ് സ്ഥിരമായി മദ്യപിച്ചെത്തി വഴക്ക് ഉണ്ടാക്കുകയും ഭാര്യയേയും മക്കളേയും ദേഹോപദ്റവം ഏൽപ്പിക്കുകയും ചെയ്യുമായിരുന്നു. ഭാര്യയുടെ പരാതിയിലാണ് ഇയാൾ പിടിയിലായത്. പാരിപ്പള്ളി പൊലീസ് ഇൻസ്‌പെക്ടർ എ. അൽജബാറിന്റെ നേതൃത്വത്തിൽ എസ്.ഐമാരായ സുരേഷ് കുമാർ, സാബുലാൽ, ജി.എ.എസ്.ഐ ഷാജഹാൻ, എസ്.സി.പി.ഒ നൗഷാദ് എന്നിവരടങ്ങിയ സംഘമാണ് പ്രതിയെ പിടികൂടിയത്.