പാരിപ്പള്ളി: ഇടതുപക്ഷ യുവജന സംഘടനകളുടെ നേതൃത്വത്തിൽ കല്ലുവാതുക്കൽ ഗ്രാമപഞ്ചായത്ത് ഓഫീസിലേക്ക് മാർച്ച് സംഘടിപ്പിച്ചു. പഞ്ചായത്തിലെ ഭരണ സ്തംഭനത്തിനും വികസന മുരടിപ്പിനും പരിഹാരം കാണണമെന്നും ഭരണസമിതി രാജിവയ്ക്കണമെന്നും ആവശ്യപ്പെട്ടായിരുന്നു മാർച്ച്. കല്ലുവാതുക്കൽ ജംഗ്ഷനിൽ നിന്ന് ആരംഭിച്ച മാർച്ച് പഞ്ചായത്ത് ഓഫീസിന് മുന്നിൽ പൊലീസ് തടഞ്ഞു. തുടർന്ന് നടന്ന ധർണ ഡി.വൈ.എഫ്.ഐ ജില്ലാട്രഷറർ എസ്.ഷബീർ ഉദ്ഘാടനം ചെയ്തു.

എം.എസ് ആദർശ് അദ്ധ്യക്ഷനായി. എ.ഐ.വൈ.എഫ് സംസ്ഥാന കമ്മിറ്റി അംഗം നോബൽ ബാബു, ഡി.വൈ.എഫ്.ഐ ജില്ല ജോയിന്റ് സെക്രട്ടറി എം. ഹരികൃഷ്ണൻ, ഏരിയ പ്രസിഡന്റ് എസ്.സൂരജ്, എസ്.ശരത്കുമാർ,

ബിജിൻ മരക്കുളം എന്നിവർ സംസാരിച്ചു.

എസ്. ബിനു, വി.വിനീത്, ആർ.രാകേഷ്, യു.ആർ.വിനീത്, ജീമേഷ്,​ എസ്. സജീവ്, എസ്. ഷമീം, വിഷ്ണു എന്നിവർ നേതൃത്വം നൽകി.