കുണ്ടറ: പെരുമ്പുഴ തണൽ ചാരിറ്റബിൾ സൊസൈറ്റി തിരുനൽവേലി അരവിന്ദ് കണ്ണാശുപത്രിയുടെയും ജില്ലാ അന്ധത നിവാരണ സൊസൈറ്റിയുടെയും സഹകരണത്തോടെ സൗജന്യ നേത്ര പരിശോധന ക്യാമ്പ് സംഘടിപ്പിച്ചു. 230 ഓളം പേരെ പരിശോധിക്കുകയും നിരവധി പേർക്ക് കണ്ണട കൊടുക്കുകയും 22 പേരെ തിമിര ശസ്ത്രക്രിയക്കായി തിരുനൽവേലിയിലെ കണ്ണാശുപത്രിയിലേയ്ക്ക് കൊണ്ടു പോകുകയും ചെയ്തു. തണൽ പെരുമ്പുഴ പ്രസിഡന്റ് ടി.എൽ. ധനേഷ്, സെക്രട്ടറി ഷിബു കുമാർ, ട്രെഷറർ ശരത്, പ്രോഗ്രാം കൺവീനർ അബീഷ്, ഡോ. ആതിര, ഡോ. ശ്രീജ , കോ- ഓഡിനേറ്റർ ഹേമചന്ദ്രൻ എന്നിവർ നേതൃത്വം നൽകി. തണൽ എക്സിക്യുട്ടീവ് അംഗങ്ങളായ വിജിത്‌ കുമാർ, അശോക് കുമാർ, ഷീബ അബീഷ്, ശ്യാംദാസ്, അഭിലാഷ്, ഷിജു, കൃഷ്ണകുമാർ, ശാന്തിനി, ലൈലാമണി എന്നിവർ ക്യാമ്പ് നിയന്ത്രിച്ചു.