തൊ​ടി​യൂർ: മാ​മൂ​ട്-ചൂ​ളൂർ ജം​ഗ്​ഷൻ റോ​ഡ് ത​കർ​ന്ന് സ​ഞ്ചാ​ര​യോ​ഗ്യ​മ​ല്ലാ​തായി. റോ​ഡിൽ നിറയെ കു​ഴി​കൾ രൂ​പ​പ്പെ​ട്ടി​രി​ക്കു​ന്നു. കൊ​ടും​വ​ള​വാ​യ പ​ള്ള​ത്ത്​കാ​ട്ടിൽ ജം​ഗ്​ഷ​നിലും റോ​ഡ് ത​കർ​ന്ന് കി​ട​ക്കുയാണ്. റോഡിലെ കുഴികളിൽ മഴവെള്ളം നിറഞ്ഞ് കിടക്കുന്നതാണ് പലപ്പോഴും അപകടത്തിന് കാരണമാകുന്നത്. ഇരുചക്രവാഹനങ്ങൾ കുഴികളിലകപ്പെട്ട് അപകടങ്ങളുണ്ടാകുന്നത് ഇവിടെ പതിവാണ്. ക​രു​നാ​ഗ​പ്പ​ള്ളി റെ​യിൽ​വേ സ്റ്റേ​ഷ​ന് സ​മീ​പ​ത്ത് നി​ന്നാ​രം​ഭി​ച്ച് ഐ​.എ​ച്ച്​.ആർ​.ഡി​ എൻ​ജി​നീ​യ​റിം​ഗ് കോ​ളേ​ജി​ന് സ​മീ​പം ചൂ​ളൂർ ജം​ഗ്​ഷ​നിലെത്തുന്ന റോഡാണിത്.

കുളികളടയ്ക്കൂ, അപകടമൊഴിവാക്കൂ

വാ​ഹ​ന​ത്തി​ര​ക്കു​ള്ള റോ​ഡാ​ണി​ത്. റോ​ഡ​രി​കി​ലെ മ​തി​ലി​ന്റെ മ​റ​വ് കാ​ര​ണം ഇ​രു​ഭാ​ഗ​ത്തു നി​ന്നും എ​ത്തു​ന്ന വാ​ഹ​ന​ങ്ങൾ പ​ര​സ്​പ​രം കാ​ണാൻ ക​ഴി​യാത്തതും ഇവിടെ അപകടങ്ങളുണ്ടാക്കുന്നു. എ​ത്ര​യും വേ​ഗം റോ​ഡ് ടാർ ചെ​യ്ത് കുഴികളടച്ച് ഗ​താ​ഗ​ത​യോ​ഗ്യ​മാ​ക്ക​ണ​മെ​ന്ന് നാ​ട്ടു​കാർ ആ​വ​ശ്യ​പ്പെ​ട്ടു.