കൊല്ലം: കെ.എസ്.ആർ.ടി.സി ബഡ്ജ​റ്റ് ടൂറിസം സെല്ലിന്റെ ആഭിമുഖ്യത്തിൽ കൊല്ലത്ത് നിന്ന് നാലമ്പല ദർശന യാത്ര നടത്തുന്നു. നാളെ രാത്രി 9ന് പുറപ്പെട്ട് 13ന് വെളുപ്പിന് നാലമ്പല ദർശനം കഴിഞ്ഞ് ഉച്ചകഴിഞ്ഞ് തിരികെയെത്തുന്ന തരത്തിലാണ് യാത്ര. തൃപ്രയാർ ശ്രീരാമക്ഷേത്രം, ഇരിങ്ങാലക്കുട കൂടൽമാണിക്യം ക്ഷേത്രം, തിരുമൂഴിക്കുളം ശ്രീലക്ഷ്മണപ്പെരുമാൾ ക്ഷേത്രം, പായമ്മൽ ശത്രുഘ്‌ന ക്ഷേത്രം എന്നീ ക്ഷേത്രങ്ങളിലേക്കാണ് യാത്ര. മുൻകൂട്ടി വഴിപാടുകൾ ബുക്ക് ചെയ്യുന്നതിനും ദർശനത്തിനും പ്രത്യേക സൗകര്യമുണ്ട്. ഫോൺ: 9447721659, 9496675635.