ച​വ​റ:​ ദേ​ശീ​യ പാ​ത​യിൽ നിറയെ അപകടക്കുഴികൾ. നീ​ണ്ട​ക​ര സെന്റ് ആ​ഗ്‌​ന​സ് സ്​കൂ​ളി​ന് മുൻ​വ​ശത്ത് ദേശീയപാതയുടെ ഒ​ത്ത മ​ദ്ധ്യ​ത്ത് രൂ​പ​പ്പെ​ട്ട കു​ഴി വാ​ഹ​ന യാ​ത്ര​ക്കാ​രെ​യും ഇ​രു​ച​ക്ര​വാ​ഹ​ന​ക്കാ​രെ​യും വ​ല​യ്ക്കു​ന്നു. മ​ഴ​ ശക്തമായപ്പോൾ രൂ​പ​പ്പെ​ട്ട കു​ഴി ആ​ഴ്​ച്ച​കൾ​ക്ക് മു​മ്പ് നീ​ണ്ട​ക​ര​യി​ലെ എ​സ്​.എ​ഫ്.ഐ പ്ര​വർ​ത്ത​ക​രു​ടെ നേ​തൃ​ത്വ​ത്തിൽ അ​ട​ച്ചി​രു​ന്നു. വീണ്ടും പെയ്ത മഴയിൽ അടച്ച ഭാഗം ഒ​ലി​ച്ചു പോ​യി, വീണ്ടും കുഴിയായി. തു​ടർ​ന്ന് ര​ണ്ടു​ദി​വ​സം മു​മ്പ് നാ​ഷ​ണൽ ഹൈ​വേ അ​ധി​കൃ​ത​രും കുഴി അ​ട​യ്​ക്കാൻ ശ്ര​മി​ച്ചു. എ​ന്നാൽ റോ​ഡി​ന്റെ വ​ശം ച​രി​ഞ്ഞ നി​ല​യി​ലാ​യ​തി​നാൽ അ​ട​യ്​ക്കു​ന്ന കു​ഴി വീണ്ടും തു​ര​ങ്കം പോ​ലെ കു​ഴി​ഞ്ഞു പോ​കു​ക​യാ​ണ്.

കുഴിയ​ട​പ്പ് തോന്നിയപടി

ദേ​ശീ​യ​പാ​ത​യിൽ നീ​ണ്ട​ക​ര പാ​ല​ത്തി​ലും ജോ​യിന്റ് ജം​ഗ്​ഷ​നി​ലും കു​ഴി​കളു​ണ്ട്. ദേ​ശീ​യ​പാ​ത മെ​യിന്റനസ് ജോ​ലി ന​ട​ത്തു​ന്ന​ത് അ​ന്യ​സം​സ്ഥാ​ന തൊ​ഴി​ലാ​ളി​ക​ളെ കൊ​ണ്ടാ​ണ്. ഇ​വർ തോ​ന്നി​യ​പ​ടി​യാ​ണ് കുഴിയ​ട​പ്പ് ന​ട​ത്തു​ന്ന​ത്. വർ​ക്ക് ഏ​റ്റെ​ടു​ത്ത ശേ​ഷം സ​ബ് കൊ​ടു​ക്കു​ന്ന ന​ട​പ​ടി അ​വ​സാ​നി​പ്പി​ക്കാൻ ബ​ന്ധ​പ്പെ​ട്ട അ​ധി​കൃ​തർ ത​യ്യാ​റാ​വ​ണ​മെ​ന്ന ആ​വ​ശ്യം ശ​ക്ത​മാ​ണ്.