കൊല്ലം : സ്വാതന്ത്ര്യസമ​രത്തെ ഒറ്റി​കൊ​ടു​ത്ത​വർ സ്വാത​ന്ത്ര്യ​ത്തിന്റെ 75​-ാം വാർഷികം ആഘോ​ഷി​ക്കു​ന്നത് കോൺഗ്രസ് ഇന്ത്യയ്ക്ക് നൽകിയ ദേശീ​യ​തയ്ക്ക് ലഭി​ക്കുന്ന അംഗീ​കാ​ര​മാ​ണെന്ന് രമേശ് ചെന്നി​ത്ത​ല. സ്വാതന്ത്ര്യ ദിന​ത്തിൽ മുൻകാ​ല​ങ്ങ​ളിൽ കരി​ങ്കൊ​ടി​യും കാവി കൊടിയും ഉയർത്തിയ വർഗീയ ഫാസി​സ്റ്റു​കളും ഇടതുപക്ഷ​ക്കാരും ദേശീയ പതാക ഉയർത്തു​മ്പോൾ തന്നെ മഹാ​ത്മാ​ഗാ​ന്ധിയെയും ജവ​ഹർലാൽ നെഹ്‌റുവിനെയും മറ്റ് സ്വാതന്ത്ര്യ സമരത്തിൽ പങ്കെ​ടുത്ത ദേശീയ നേതാ​ക്കളെയും തിര​സ്‌ക​രി​ക്കാ​നാണ് ശ്രമി​ക്കു​ന്ന​തെന്നും കോൺഗ്രസ് പ്രവർത്ത​കർ ഉള്ളി​ട​ത്തോളം കാലം രാജ്യ​ത്ത് ഇത് സാധി​ക്കു​ക​യി​ല്ലെന്നും ബി.ജെ.പി യും സി.പി.എമ്മും കാട്ടുന്നത് കപട ദേശീയ ബോധമാണെന്നും അദ്ദേഹം പറ​ഞ്ഞു.

കൊല്ലം ജില്ലാ കോൺഗ്രസ് കമ്മി​റ്റി​യുടെ നേതൃ​ത്വ​ത്തിൽ സംഘ​ടി​പ്പിച്ച ആസാദി കി ഗൗരവ് യാത്ര​യുടെ ജില്ലാ​തല സമാ​പന സമ്മേ​ളനം ചിന്ന​ക്ക​ട​യിൽ ഉദ്ഘാ​ടനം ചെയ്യു​ക​യാ​യി​രുന്നു അദ്ദേഹം. ഡി.സി.സി പ്രസി​ഡന്റ് പി. രാജേ​ന്ദ്ര​പ്ര​സാദ് അദ്ധ്യ​ക്ഷത വഹി​ച്ചു. എൻ.കെ.പ്രേമ​ച​ന്ദ്രൻ എം. പി, കെ. സി. രാജൻ നേതാ​ക്ക​ളായ പഴ​കുളം മധു, എം. എം. നസീർ, അഡ്വ.ബിന്ദു​കൃ​ഷ്ണ, എ. ഷാന​വാ​സ്ഖാൻ, പി. ജർമ്മി​യാ​സ്, സൂരജ് രവി, എൽ. കെ. ശ്രീദേ​വി, ബിന്ദു ജയൻ, നടു​ക്കു​ന്നിൽ വിജ​യൻ, സൈമൺ അല​ക്‌സ്, എസ്. വിപി​ന​ച​ന്ദ്രൻ, അൻസർ അസീ​സ്, എ.കെ.ഹഫീ​സ്, കെ.സുരേ​ഷ്ബാ​ബു, കൃഷ്ണ​വേണി ശർമ്മ, ജോർജ്ജ് ഡി. കാട്ടിൽ, എം.നാസർ, കോയി​വിള രാമ​ച​ന്ദ്രൻ തുട​ങ്ങി​യ​വർ സംസാരിച്ചു. വാള​ത്തും​ഗൽ രാജ​ഗോ​പാൽ, എസ്. ശ്രീകു​മാർ, എം. എം. സഞ്ജീവ് കുമാർ, ജി. ജയ​പ്ര​കാ​ശ്, കുഴിയം ശ്രീകു​മാർ, ആദി​ക്കാട് മധു, ആന​ന്ദ് തുട​ങ്ങി​യ​വർ പദ​യാ​ത്രയ്ക്ക് നേതൃത്വം നൽകി.