കൊട്ടാരക്കര: എസ്.എൻ.ഡി.പി യോഗം കൊട്ടാരക്കര യൂണിയന്റെ കീഴിലുള്ള 851ാം നമ്പർ മാവടി ശാഖയിലെ ഗുരുകടാക്ഷം കുടുംബ യൂണിറ്റ് (മൈക്രോ സംഘം) അംഗങ്ങൾക്കായി വായ്പ വിതരണം ചെയ്തു. കൊട്ടാരക്കര താലൂക്ക് മൈക്രോ യൂണിറ്റ് സോഷ്യൽ വെൽഫെയർ സഹകരണ സംഘത്തിൽ നിന്നാണ് വായ്പ അനുവദിച്ചത്. സംഘം ഓഫീസിൽ നടന്ന ചടങ്ങിൽ കൊട്ടാരക്കര യൂണിയൻ വൈസ് പ്രസിഡന്റ് അഡ്വ.എം.എൻ.നടരാജൻ യൂണിറ്റിലെ മുതിർന്ന അംഗം ചന്ദ്രികക്ക് തുക കൈമാറി. യൂണിയൻ സെക്രട്ടറി അഡ്വ.പി.അരുൾ,​ സംഘം വൈസ് പ്രസിഡന്റ് പി.കെ.സോമരാജൻ,​ ബോർഡ് മെമ്പർ അഡ്വ.എൻ.രവീന്ദ്രൻ,​ സെക്രട്ടറി ജി.ആത്മജ എന്നിവർ സംസാരിച്ചു. വിവിധ ശാഖകളിലെ എട്ട് മൈക്രോ യൂണിറ്റുകൾക്കായി 50 ലക്ഷം രൂപ വായ്പയായി നൽകിയതായി യൂണിയന്റെയും സംഘത്തിന്റെയും പ്രസിഡന്റ് സതീഷ് സത്യപാലൻ അറിയിച്ചു.