കൊല്ലം: ആശ്രാമത്തെ ശ്രീനാരായണഗുരു സാംസ്കാരിക സമുച്ചയം നിർമ്മാണം പൂർത്തീകരണത്തിലേയ്ക്ക്. കേരളപ്പിറവി ദിനത്തിൽ ഉദ്ഘാടനം നടത്താനുള്ള ശ്രമത്തിലാണ് ജോലികൾ പുരോഗമിക്കുന്നത്.

ഇന്റീരിയൽ ജോലികളാണ് പൂർത്തിയാകാനുള്ളത്. രണ്ട് നിലകളിലായി 91,000 ചതുരശ്ര അടിയാണ് വിസ്തീർണം. 2019 ഫെബ്രുവരിയിലാണ് നിർമ്മാണം ആരംഭിച്ചത്. എം. മുകേഷ് എം.എൽ.എയുടെ ശ്രമഫലമായി 2016 -17ലെ ബഡ്ജറ്റിലാണ് കിഫ്ബിയിൽ നിന്ന് 57 കോടി അനുവദിച്ചത്. മുംബയ് ആസ്ഥാനമായ റേ കൺസ്ട്രക്ഷനാണ് കരാറുകാർ. സംസ്ഥാന ചലച്ചിത്ര വികസന കോർപ്പറേഷനാണ് നിർവഹണ ഏജൻസി.

കരാർ തുക - ₹ 55.91 കോടി

ആകെ വിസ്തീർണം - 91,000 ചതുരശ്രയടി

ഭൂമി - 3.82 ഏക്കർ

കെട്ടിടത്തിലെ സൗകര്യങ്ങൾ
 സ്മാരക ഹാൾ  ലൈബ്രറി  നിർവഹണ ഹാൾ  കരകൗശല മ്യൂസിയം  കോൺഫറൻസ് ഹാൾ  പ്രദർശന ഹാൾ  ആർട്ട് ഗാലറി  നാടക പരിശീലനക്കളരി  ബ്ളാക്ക് ഓഫീസ് തിയേറ്റർ  ഓഡിറ്റോറിയം  എ.വി തിയേറ്റർ  സെമിനാർ ഹാൾ  റിഹേഴ്‌സൽ ഹാൾ  ഗോത്രകലാ മ്യൂസിയം  ഓപ്പൺ എയർ ഓഡിറ്റോറിയം  കഫെറ്റേരിയ

സമുച്ചയത്തിന്റെ നിർമ്മാണം വളരെ വേഗം പുരോഗമിക്കുകയാണ്. നവംബറിൽ പൂർത്തിയാക്കാനുള്ള ശ്രമത്തിലാണ്.

എം. മുകേഷ് എം.എൽ.എ