കൊല്ലം: ശക്തികുളങ്ങരയിൽ പ്രവർത്തിക്കാതെ കിടന്ന ആശുപത്രിക്ക് സമീപത്തെ റോഡിൽ നിന്ന് കവറിൽ പൊതിഞ്ഞ നിലയിൽ രണ്ട് തലയോട്ടികൾ കണ്ടെത്തി. ശുചീകരണ തൊഴിലാളികളാണ് തലയോട്ടികൾ കണ്ടെത്തിയത്. തുടർന്ന് ശക്തികുളങ്ങര പൊലീസിൽ വിവരം അറിയിച്ചു. പരിശോധനയിൽ തലയോട്ടികൾ പഴക്കം ചെന്നവയാണെന്നും മെഡിക്കൽ വിദ്യാർത്ഥികൾ ഉപയോഗിക്കുന്നതിന് സമാനമായ കുറിപ്പുകൾ ഉണ്ടായിരുന്നതായും പൊലീസ് പറഞ്ഞു. തലയോട്ടികൾ കൂടുതൽ പരിശോധനയ്ക്കായി പാരിപ്പള്ളി മെഡിക്കൽ കോളേജ് ആശുപത്രിയിലേക്ക് മാറ്റി.