കൊട്ടാരക്കര: ശിവഗിരി മഹാസമാധിയിൽ നിന്ന് ധർമ്മസംഘം ട്രസ്റ്റ് സെക്രട്ടറി സ്വാമി ഋതംബരാനന്ദ പ്രോജ്ജ്വലിപ്പിച്ച ശ്രീനാരായണ ദിവ്യപ്രഭാ പ്രയാണ രഥയാത്ര ഇന്ന് സമാപിക്കും.

എസ്.എൻ.ഡി.പി യോഗം ആർ.ശങ്കർ സ്മാരക കൊട്ടാരക്കര യൂണിയന്റെ കീഴിലുള്ള 86 ശാഖകളിലൂടെയാണ് ഇതിനകം രഥയാത്ര കടന്നുപോയത്. ഗുരുദേവന്റെ 168-ാം തിരുജയന്തി ആഘോഷങ്ങളുടെ ഭാഗമായിട്ടാണ് യൂണിയന്റെ നേതൃത്വത്തിൽ ദിവ്യപ്രഭാ പ്രയാണ രഥയാത്ര സംഘടിപ്പിച്ചത്. മൂന്നാം ദിനമായ ഇന്നലെ കോട്ടാത്തല 714ാം നമ്പർ ശാഖയുടെ മൂഴിക്കോട് ഗുരുമന്ദിരത്തിൽ നിന്നാണ് സ്വീകരണ പരിപാടികൾക്ക് തുടക്കമിട്ടത്. ശാഖാ പ്രസിഡന്റ് എം.എസ്.ശ്രീകുമാർ, കൺവീനർമാരായ എൻ.സാബു, സനൽകുമാർ, ബി.ഷാജി എന്നിവർ സ്വീകരണത്തിന് നേതൃത്വം നൽകി. യൂണിയൻ പ്രസിഡന്റ് സതീഷ് സത്യപാലൻ, സെക്രട്ടറി അഡ്വ.പി.അരുൾ, വൈസ് പ്രസിഡന്റ് അഡ്വ.എം.എൻ.നടരാജൻ, മുൻ യൂണിയൻ സെക്രട്ടറി ജി.വിശ്വംഭരൻ, ബോർഡ് മെമ്പർമാരായ അഡ്വ.പി.സജീവ് ബാബു, അഡ്വ.എൻ.രവീന്ദ്രൻ, അനിൽ ആനക്കോട്ടൂർ, പി.കെ.സോമരാജൻ, കുടവട്ടൂർ രാധാകൃഷ്ണൻ എന്നിവർ സംസാരിച്ചു. വനിതാസംഘം കുടുംബയൂണിറ്റ് ഭാരവാഹികളടക്കം നല്ല പങ്കാളിത്തത്തോടെയായിരുന്നു സ്വീകരണ പരിപാടികൾ. തുടർന്ന് വല്ലം, കുറുമ്പാലൂർ, നെടുവത്തൂർ, ആനക്കോട്ടൂർ, തേവലപ്പുറം, തേവലപ്പുറം വെസ്റ്റ്, മാറനാട്, കാരുവേലിൽ കുമാരമംഗലം, കാരുവേലിൽ ശിവമംഗലം, കാരുവേലിൽ-829, കൈതക്കോട്, ആലാശേരി, പവിത്രേശ്വരം, ചെറുപൊയ്ക, കുഴിക്കലിടവക, എസ്.എൻ.പുരം, കാരിക്കൽ, പാങ്ങോട്, പുത്തൂർ, തെക്കുംപുറം, തേവലപ്പുറം നോർത്ത്, ചുങ്കത്തറ, വെണ്ടാർ, മൈലംകുളം, മഠത്തിനാപ്പുഴ, താഴത്തുകുളക്കട, കുറ്ററ, പൂവറ്റൂർ ശാഖകളിലും വരവേല്പ് നൽകി.

ഇന്നത്തെ സ്വീകരണം

രാവിലെ 9.30ന് ഏറത്ത് കുളക്കട ശാഖയിൽ നിന്ന് സ്വീകരണ പരിപാടികൾ പുനരാരംഭിക്കും. തുടർന്ന് പൂവറ്റൂർ ടൗൺ (9.50), പെരുംകുളം(10.10), ഇഞ്ചക്കാട്(10.25), കലയപുരം(11), താമരക്കുടി(11.30)

സമാപനം

ദിവ്യപ്രഭാ പ്രയാണ രഥയാത്ര വൈകിട്ട് 3ന് കൊട്ടാരക്കര യൂണിയൻ ഓഫീസിലെത്തും. യൂണിയൻ മന്ദിരത്തിലെ ഗുരുക്ഷേത്രത്തിലെ നിലവിളക്കിൽ ശിവഗിരി ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ ദിവ്യപ്രഭ ലയിപ്പിച്ച് ജയന്തി സന്ദേശം നൽകും. തുടർന്ന് ദാർശനിക മാസിക ചീഫ് എഡിറ്റർ വിശ്വപ്രകാശം വിജയാനന്ദ് പ്രഭാഷണം നടത്തും. യൂണിയൻ പ്രസിഡന്റ് സതീഷ് സത്യപാലൻ, സെക്രട്ടറി അഡ്വ.പി.അരുൾ, വൈസ് പ്രസിഡന്റ് അഡ്വ.എം.എൻ.നടരാജൻ, മുൻ യൂണിയൻ സെക്രട്ടറി ജി.വിശ്വംഭരൻ, ബോർഡ് മെമ്പർമാരായ അഡ്വ.പി.സജീവ് ബാബു, അഡ്വ.എൻ.രവീന്ദ്രൻ, അനിൽ ആനക്കോട്ടൂർ, കെ.ബി.സലീംകുമാർ, പി.കെ.സോമരാജൻ, ഡോ.ബി.ബാഹുലേയൻ, ആർ.വരദരാജൻ, ജെ.അംബുജാക്ഷൻ, കുടവട്ടൂർ രാധാകൃഷ്ണൻ, കെ.രമണൻ, ടി.വി.മോഹനൻ, എസ്.ബൈജു, ജി.എം.അജയകുമാർ, എം.ജയപ്രകാശ്, എസ്.സുദേവൻ, ജി.ബൈജു, കെ.ബാബു, എൻ.നവരാജ്, അനിൽ ബംഗ്ളാവിൽ, വി.ഹരൻകുമാർ, എൻ.സുരേന്ദ്രൻ, എസ്.രാജു, സി.ശശിധരൻ, അനൂപ്.കെ.രാജ്, സി.ആർ.പ്രശാന്ത്, ജെ.ഹേമലത, ഡോ.സബീന വാസുദേവൻ, ജെ.അനിൽകുമാർ, കെ.ജി.ബ്രജിത് കുമാർ, ശ്രീജു എന്നിവർ പങ്കെടുക്കും.