കൊല്ലം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച അമ്മയുടെ സുഹൃത്തായ യുവാവിനെ പരവൂർ പൊലീസ് അറസ്റ്റ് ചെയ്തു.

പരവൂർ മീനാട് കിഴക്കുംകര ചേരിയിൽ നടയിൽ പടിഞ്ഞാ​റ്റതിൽ
വീട്ടിൽ അമൃതലാൽ(38) ആണ് പിടിയിലായത്. കുട്ടിയുടെ മാതാവുമായുള്ള അടുപ്പം മുതലെടുത്ത് രണ്ടുവർഷമായി പീഡിപ്പിച്ചു വരികയായിരുന്നു. പുറത്ത് പറയരുതെന്ന് ഭീഷണിപ്പെടുത്തുകയും ചെയ്തു. കുട്ടിയുടെ പെരുമാ​റ്റത്തിൽ സംശയം തോന്നിയ അദ്ധ്യാപകർ നടത്തിയ അന്വേഷണത്തിലാണ് വിവരം പുറത്തായത്. പരവൂർ ഇൻസ്‌പെക്ടർ എ. നിസാറിന്റെ നേതൃത്വത്തിൽ സബ് ഇൻസ്‌പെക്ടർമാരായ നിതിൻ നളൻ, നിസാം, എ.എസ്.ഐ ജോയി, സി.പി.ഒമാരായ സായി, ലിജു എന്നിവരടങ്ങിയ സംഘമാണ് പ്രതിയെ പിടികൂടിയത്.