ഓയൂർ : കാരാളികോണത്തെ ഹംദാൻ ഫൗണ്ടേഷൻ ഗ്രാൻഡ് ഉദ്ഘാടനവും ഹിഫ്‌ള് കോൺവൊക്കേഷനും തുടക്കമായി. പാണക്കാട് സയ്യിദ് അബ്ബാസ് അലി ശിഹാബ് തങ്ങൾ പതാക ഉയർത്തി. മുഹ്‌സിൻ കോയ തങ്ങൾ അദ്ധ്യക്ഷനായി. പാണക്കാട് അബ്ബാസലി ശിഹാബ് തങ്ങൾ അനുഗ്രഹ പ്രഭാഷണം നിർവഹിച്ചു. ഇബ്തിദാ പ്രാരംഭ സംഗമത്തിന്റെ ഉദ്ഘാടനം സയ്യിദ് ഒ.എം.എസ്.തങ്ങൾ മേലാറ്റൂർ നിർവഹിച്ചു. സയ്യിദ് മുറാദ് തങ്ങൾ പരവൂർ, ഹദ്‌യത്തുല്ല തങ്ങൾ,ഖലീൽ റഹ്മാൻ ബാഖവി, അബ്ദുല്ലാ ബിൻ ശരീഫ് വാഫി ഈരാറ്റുപേട്ട തുടങ്ങിയവർ പങ്കെടുത്തു.
തുടർന്ന് നടന്ന 'ഒരുമയ്ക്കായ് ഒരുമിക്കാം'എന്ന സ്‌നേഹ സംവേദന സംഗമം ഡോ. അബ്ദുൾസമദ് സമദാനി എം.പി ഉദ്ഘാടനം ചെയ്തു .
ഇറാം ഗ്രൂപ്പ് ചെയർമാൻ ഡോ. സിദ്ദീഖ് അഹ്മദ് പരിപാടിയിൽ മുഖ്യാതിഥിയായി. തുടർന്ന് ശാന്തിഗിരി ആശ്രമത്തിന്റെ ജനറൽ സെക്രട്ടറി സ്വാമി ഗുരുരത്‌നം ജ്ഞാന തപസ്വി, ആനിക്കാട് മാർ ഗ്രിഗോറിയാസ് ആശ്രമത്തിലെ ഫാദർ സെവേറിയോസ് എം.തോമസ്, മുനീർ ഹുദവി വിളയിൽ, ഹംദാൻ ചെയർമാൻ ഹാഫിള് അഹ്മദ് കബീർ ബാഖവി തുടങ്ങിയ പ്രമുഖർ സംസാരിച്ചു. അഡ്വ. സാം കെ. ഡാനിയേൽ, വാളിയോട് ജേക്കബ്, അൻസാർ റഹീം, പി.ജെ.നഹാസ്, എം.ഫിറോസ്, അൻവറുൽ ഇസ് ലാം , ജി.അനിൽ കുമാർ , അഖിൽ രാധാകൃഷ്ണൻ, ജസ്റ്റിൻ ജേക്കബ് തുടങ്ങിയവർ പരിപാടിയിൽ പങ്കെടുത്തു. സിയാദ് ഹുദവി കാരാട് നന്ദി പറഞ്ഞു.