ഗുരുവായൂർ: ആനക്കോട്ടയുടെ സമഗ്ര വികസനത്തിനായി വിശദമായ പദ്ധതിരേഖ തയ്യാറാക്കാൻ ഗുരുവായൂർ ദേവസ്വം ഭരണസമിതി തീരുമാനിച്ചു. പദ്ധതി രേഖ തയ്യാറാക്കുന്നതിനായി അനുയോജ്യമായ ഏജൻസിയെ കണ്ടെത്തുന്നതിന്ന് താത്പര്യപത്രം ക്ഷണിക്കാനും ഭരണ സമിതി തീരുമാനിച്ചു. ചെയർമാൻ ഡോ: വി.കെ. വിജയൻ യോഗത്തിൽ അദ്ധ്യക്ഷനായി. ഭരണസമിതി അംഗങ്ങളായ മല്ലിശേരി പരമേശ്വരൻ നമ്പൂതിരി, സി. മനോജ്, ചെങ്ങറ സുരേന്ദ്രൻ, അഡ്വ. കെ.വി. മോഹനകൃഷ്ണൻ, മനോജ് ബി. നായർ, അഡ്മിനിസ്‌ട്രേറ്റർ കെ.പി. വിനയൻ എന്നിവർ സന്നിഹിതരായി.