തിരുവനന്തപുരം: കുമാരപുരം നവരംഗം ലെയിനിലെ 'ഭാനുമതി"യെന്ന വീട്ടിലെത്തുന്നവരെ ചെറു പുഞ്ചിരിയോടെ സ്വീകരിച്ചിരുന്ന ഡോ. ലളിത ഇനി നിറമുള്ള ഓർമ്മ. ആറ് പതിറ്റാണ്ട് നീണ്ടുനിന്ന സേവനസപര്യയിലൂടെ ഏകദേശം ഒരുലക്ഷത്തോളം നവജാത ശിശുക്കളാണ് ഗൈനക്കോളജി രംഗത്തെ പ്രശസ്തയായ ഡോ. ലളിതയുടെ കൈകളിലൂടെ ലോകത്തെത്തിയത്. മൂന്നും നാലും തലമുറകളുടെ പ്രിയ ഡോക്ടറായ ലളിത തന്റെ 85-ാമത്തെ വയസിലും ഒരു തുടക്കക്കാരിയുടെ ചുറുചുറുക്കോടെ മുന്നിലെത്തുന്ന രോഗികളെ പരിചരിച്ചു. അതുതന്നെയായിരുന്നു ഡോക്ടറുടെ ഏറ്റവും വലിയ പ്രത്യേകതയും. അധികം സംസാരിക്കാത്ത നിറഞ്ഞ പുഞ്ചിരിയുള്ള ഡോക്ടർ തന്റെ മേഖലയിലെ സമകാലീനർക്കും പിന്മുറക്കാർക്കും എന്നും മാതൃകയാണ്.

മ​ഹാ​ക​വി​ ​കു​മാരനാ​ശാ​ന്റെ​ ​ഭാ​ര്യ​ ​ഭാ​നു​മ​തി​ അമ്മ ആശാന്റെ മരണശേഷം 13 വർഷം കഴിഞ്ഞ് ഏജീസ് ഓഫീസ് ഉദ്യോഗസ്ഥനായ കാർത്തികപ്പള്ളി സ്വദേശി സി.ഒ. കേശവനെ വിവാഹം കഴിച്ചു. ആ ബന്ധത്തിലെ നാല് മക്കളിൽ മൂത്തയാളാണ് ഡോ. ലളിത. ​1954​ൽ​ ​തി​രു​വ​ന​ന്ത​പു​രം​ ​മെ​ഡി​ക്ക​ൽ​ ​കോ​ളേ​ജി​ലെ​ ​നാ​ലാം​ ​ബാച്ചി​ൽ​ ​എം.​ബി.​ബി.​എ​സി​ന്​ ​ചേ​ർ​ന്ന​ ​ല​ളി​ത​ ​നാ​ലാം​ ​റാ​ങ്കോ​ടെ​ പാസായി.

​അദ്ധ്യാപകനായ ഡോ. തമ്പാന്റെ കൂടി പ്രേരണയോടെ പി.​ജി ഗൈ​ന​ക്കോ​ള​ജി​ക്ക് ചേർന്നു.​ ​ സംസ്ഥാന ഹെൽത്ത് സർവീസിൽ നിന്ന് 1964ലാണ് തിരുവനന്തപുരം മെഡിക്കൽ കോളേജിലെത്തിയത്. 1992ൽ എസ്.എ.ടിയിൽ നിന്ന് വിരമിച്ചു. മൃ​ദു​ഭാ​ഷിയായ ഡോ. ലളിത ​ന​ല്ല​ ​അ​ദ്ധ്യാ​പി​ക കൂടിയാണ്. ഡോ.​എം.​വി.​പി​ള്ള​, ​ഡോ.​ഹ​രി​ദാ​സ്,​ ​ഡോ.​ഭ​ര​ത്ച​ന്ദ്ര​ൻ തുടങ്ങി വലിയ ശിഷ്യ സമ്പത്തിനുടമ കൂടിയാണ്. മെഡിക്കൽ സംബന്ധമായ എല്ലാ പുസ്തകങ്ങളും ഉറപ്പായും വായിച്ചിരിക്കും. ഒപ്പം മറ്റ് പുസ്തകങ്ങളും വളരെ താത്പര്യത്തോടെ വായിക്കും. എസ്.എ.ടി ആശുപത്രി റിട്ട. പ്രൊഫസറും ഗൈനക്കോളജി മേധാവിയുമായിരുന്ന ഡോ. ലളിത റിട്ടയർമെന്റിന് ശേഷം എസ്.യു.ടി ആശുപത്രിയിലാണ് സേവനമനുഷ്ഠിച്ചത്.

പ്രൊ​ഫ​ഷ​നി​ൽ​ ​ത​നി​ക്ക് ​കൂ​ടു​ത​ൽ​ ​ശ്ര​ദ്ധ​ ​പ​തി​പ്പി​ക്കാ​ൻ​ ​കഴിഞ്ഞത് ഭ​ർ​ത്താ​വി​ന്റെ​യും​ ​മ​ക്ക​ളു​ടെ​യും​ ​പി​ന്തു​ണ​ കൊണ്ടാണെന്ന് ​ഡോ. ല​ളി​ത എന്നും ഓർമ്മിച്ചിരുന്നു. ​സാം​സ്കാ​രി​ക​ ​പ്ര​വ​ർ​ത്ത​ക​നും​ ​ഖാ​ദി​ ​ബോ​ർ​ഡ് ​സെ​ക്ര​ട്ട​റി​യും​ ​വ​യ​ലാ​ർ​ ​രാ​മ​വ​ർ​മ്മ​ ​സാ​ഹി​ത്യ​ ​ട്രസ്റ്റ് സെക്രട്ടറിയുമായിരുന്ന​ ​പ​രേ​ത​നാ​യ​ ​സി.​വി.​ത്രി​വി​ക്ര​മ​നാ​ണ് ​ഭ​ർ​ത്താ​വ്. ​മാ​നേ​ജ്മെ​ന്റ് ​വി​ദ​ഗ്ദ്ധ​യാ​യ​ ​ല​ക്ഷ്മി​ ​എ​സ്.​കു​മാ​ര​ൻ,​ ​​ന​ടി​ ​മാ​ലാ​പാ​ർവ​തി എന്നിവർ മക്കളാണ്. കുറച്ചു ദിവസം മുൻപ് ഇളയ മകൾ മാല പാർവതി ഡോ. ലളിതയ്ക്കൊപ്പമുള്ള ചിത്രങ്ങൾ സോഷ്യൽമീഡിയയിൽ പങ്കുവച്ചപ്പോഴും ആരോഗ്യസ്ഥിതി മോശമാണെന്ന് അധികമാരും അറിഞ്ഞില്ല.

എന്നാൽ, ഇന്നലെ രാവിലെ അവർ തന്റെ എഫ്.ബി പേജിൽ കുറിച്ചതിങ്ങനെ 'അമ്മ യാത്രയായി ! തിരുവനന്തപുരം പട്ടം എസ്.യു.ടി ആശുപത്രിയിൽ വച്ചായിരുന്നു, 5.48ന്. ജൂലായ് 12 മുതൽ ചികിത്സയിലായിരുന്നു. ലിവറിൽ സെക്കണ്ടറീസ്. അറിഞ്ഞത് 12ന്, മാരകമായ രോഗം, ഞങ്ങൾക്ക് പരിചരിക്കാൻ, ശുശ്രൂഷിക്കാൻ 22 ദിവസമേ കിട്ടിയുള്ളൂ'. ​