പൂവാർ: ഇക്കഴിഞ്ഞ പത്താം ക്ളാസ്, പ്ളസ്‌ടു പരീക്ഷകളി​ൽ മുഴുവൻ വി​ഷയങ്ങൾക്കും എ പ്ലസ് നേടിയ, സാമ്പത്തികമായി ബുദ്ധിമുട്ടുള്ള ബി.പി.എൽ കുടുംബങ്ങളിലെ കുട്ടികൾക്ക് സ്‌പാർക്ക് - ബോധി ഇൻസ്‌പെയർ ഇന്ത്യാ സ്കോളർഷി​പ്പി​ലൂടെ നീറ്റ്, ജീ എൻട്രൻസ് പരിശീലനം നൽകും.

സ്‌പാർക്ക് ബോധി എൻട്രൻസ് കോച്ചിംഗ് സെന്ററും സെന്റ് ക്രിസോസ്റ്റംസ് ഗേൾസ് ഹയർ സെക്കൻഡറി​ സ്‌കൂളും സംയുക്തമായാണ് പ്ലസ് വൺ​, പ്ലസ് ടു പഠനത്തോടൊപ്പം രണ്ടുവർഷത്തെ എൻട്രൻസ് പരിശീലനവും പ്ലസ് ടു പൂർത്തിയാക്കിയ കുട്ടികൾക്ക് ഒരു വർഷത്തെ റിപ്പീറ്റർ ബാച്ചിലൂടെ മുഴുവൻ സമയ എൻട്രൻസ് പരിശീലനവും നൽകുന്നത്. ഓൺലൈൻ സ്ക്രീനിംഗ് പരീക്ഷയുടെയും അഭിമുഖത്തിന്റെയും അടി​സ്ഥാനത്തി​ൽ തി​രഞ്ഞെടുക്കുന്നവർക്ക് സ്‌കൂൾ എൻട്രൻസ് ഫീസും ഹോസ്റ്റൽ ചെലവുകളും സൗജന്യമാണ്. ആഗസ്റ്റ് 22 മുതൽ ക്ലാസുകൾ തുടങ്ങും. അപേക്ഷകൾ inspiremyindia@gmail.com എന്ന ഇമെയി​ലി​ൽ ആഗസ്റ്റ് 12 ന് മുമ്പ് അയക്കണം. ഫോൺ: 8089508960, 8921180598.