പാറശാല: സർക്കാർ നിയമനങ്ങളിലും ഉന്നത വിദ്യാഭ്യസത്തിനും വിളക്കിത്തല നായർ സമുദായത്തിന് പ്രത്യേക സംവരണം അനുവദിക്കണമെന്ന് സമാജം മരിയാപുരം ശാഖയുടെ വാർഷിക സമ്മേളനം ആവശ്യപ്പെട്ടു. ശാഖയുടെ വാർഷിക സമ്മേളനവും കുടുംബ സംഗമവും ജില്ലാ കോ - ഓർഡിനേറ്റർ വിളപ്പിൽശാല ജയൻ ഉദ്ഘാടനം ചെയ്‌തു. ഭഗവതിനട സുകേശൻ, പുളിമൂട് ചന്ദ്രൻ എന്നിവർ സംസാരിച്ചു. ശാഖാ സെക്രട്ടറി സനിൽകുമാർ റിപ്പോർട്ടും വരവ് ചെലവ് കണക്കുകളും അവതരിപ്പിച്ചു. ഒന്ന് മുതൽ പത്ത് വരെ ക്ലാസുകളിലെ വിദ്യാർത്ഥികൾക്ക് ചടങ്ങിൽ പഠനോപകരണങ്ങൾ വിതരണം ചെയ്‌തു. ശാഖയുടെ താത്കാലിക പ്രസിഡന്റായി സൗമ്യയെ തിരഞ്ഞെടുത്തു.