തിരുവനന്തപുരം : തിരുവനന്തപുരം ഗവ. മെഡിക്കൽ കോളേജിലെ മെഡിക്കൽ ഗ്യാസ്‌ട്രോ എന്ററോളജി വിഭാഗത്തിന് ദേശീയ അംഗീകാരം. ഇന്ത്യൻ നാഷണൽ അസോസിയേഷൻ ഒഫ് സ്റ്റഡി ഒഫ് ലിവർ ഡൽഹിയിൽ സംഘടിപ്പിച്ച വാർഷിക സമ്മേളനത്തിൽ തിരഞ്ഞെടുത്ത അഞ്ച് പ്രബന്ധങ്ങളിൽ മൂന്നെണ്ണവും തിരുവനന്തപുരം മെഡിക്കൽ കോളേജിൽ നിന്നുള്ളതാണ്. ഡോ.വിജയ് നാരായണൻ ഒന്നാം സ്ഥാനം നേടി. ഡോ.റുഷിൽ സോളങ്കി, ഡോ.ആന്റണി ജോർജ് എന്നിവർ അവാർഡ് സെക്ഷനിലേക്ക് തിരഞ്ഞെടുക്കപ്പെട്ടു. ഗ്യാസ്‌ട്രോ എന്ററോളജി വിഭാഗം മേധാവി ഡോ.കൃഷ്ണദാസിന്റെ നേതൃത്വത്തിലാണ് പഠനങ്ങൾ നടന്നത്. ആദ്യമായാണ് സംസ്ഥാനത്തെ ഒരു മെഡിക്കൽ കോളേജ് ഇത്തരമൊരു നേട്ടം കൈവരിക്കുന്നത്.