ശിവഗിരി :ശിവഗിരി സ്കൂളിൽ - ശ്രീനാരായണ ഗുരുദേവന്റെ പഞ്ചലോഹ പ്രതിമ പ്രതിഷ്ഠാകർമ്മം 17ന് രാവിലെ 8 മണിക്ക് ശ്രീനാരായണ ധർമസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ നിർവഹിക്കും. ശിവഗിരി ശ്രീനാരായണ ഇംഗ്ലീഷ് മീഡിയം സ്കൂളിനു വേണ്ടി പണികഴിപ്പിച്ച മന്ദിരത്തിന്റെയും കോഫി ഷോപ്പിന്റെയും ഉദ്ഘാടനവും നടക്കും.ശിവഗിരി മഠം ശാഖ സ്ഥാപനമായ കോട്ടയം കുറിച്ചി അദ്വൈത വിദ്യാശ്രമം ഹൈസ്കൂൾ വിഭാഗത്തിനുവേണ്ടി പണികഴിപ്പിക്കുന്ന കെട്ടിടത്തിന്റെ ശിലാസ്ഥാപനം 29ന് നടക്കുമെന്ന് ശ്രീനാരായണ ധർമസംഘം ട്രസ്റ്റ് ജനറൽ സെക്രട്ടറി സ്വാമി ഋതംഭരാനന്ദ, ട്രഷറർ സ്വാമി ശാരദാനന്ദ, കോർപറേറ്റ് മാനേജർ സ്വാമി വിശാലാനന്ദ എന്നിവർ അറിയിച്ചു.