കല്ലമ്പലം: കേരളകൗമുദിയും ബഡ്‌ജറ്റ് ഹോമും സംയുക്തമായി മടവൂർ പഞ്ചായത്തിലെ കൊവിഡ് പ്രതിരോധ പ്രവർത്തകരെ ആദരിച്ചു. മികച്ച സേവനം നടത്തിയ ആശാ പ്രവർത്തകരെയും മറ്റ് വിശിഷ്ട വ്യക്തികളെയുമാണ് ആദരിച്ചത്. വി. ജോയി എം.എൽ.എ ഉദ്ഘാടനം ചെയ്‌തു.

മടവൂർ ഗ്രാമപഞ്ചായത്ത് പ്രസിഡന്റ് എം. ബിജുകുമാർ അദ്ധ്യക്ഷത വഹിച്ചു. കേരള സ്റ്റേറ്റ് മിനറൽ ഡെവലപ്പ്മെന്റ് കോർപ്പറേഷൻ ചെയർമാൻ അഡ്വ. മടവൂർ അനിൽ മുഖ്യാതിഥിയായി. അഡ്വ.പി.ആർ. രാജീവ് മുഖ്യപ്രഭാഷണം നടത്തി. ബഡ്‌ജറ്റ് ഹോം മാനേജിംഗ് ഡയറക്ടർ മണികണ്ഠൻ, വ്യാപാരി വ്യവസായി ഏകോപന സമിതി ജില്ലാ വൈസ് പ്രസിഡന്റ് ജോഷി ബാസു, മടവൂർ എഫ്.എച്ച്.സി ഹെൽത്ത് ഇൻസ്‌പെക്ടർ ആർ. രാജു, മടവൂർ സർവീസ് സഹകരണ ബാങ്ക് പ്രസിഡന്റ് ഹർഷകുമാർ തുടങ്ങിയവർ സംസാരിച്ചു. കേരളകൗമുദി അസിസ്റ്റന്റ് മാർക്കറ്റിംഗ് മാനേജർ സുധികുമാർ സ്വാഗതവും കേരളകൗമുദി കല്ലമ്പലം ലേഖകൻ സുനിൽകുമാർ നന്ദിയും പറഞ്ഞു.