വർക്കല: ബാല ഗോകുലത്തിന്റെ ആഭിമുഖ്യത്തിൽ 18ന് വർക്കലയിൽ ശ്രീകൃഷ്ണ ജയന്തി ആഘോഷങ്ങൾ വിപുലമായി നടത്താൻ തീരുമാനിച്ചതായി സംഘാടകർ അറിയിച്ചു. വർക്കലയുടെ വിവിധഭാഗങ്ങളിൽ നിന്ന് പുറപ്പെടുന്ന ശോഭായാത്രകൾ വൈകിട്ട് 3ഓടെ വർക്കല റെയിൽവേ സ്റ്റേഷൻ മൈതാനിയിൽ സംഗമിക്കും. തുടർന്ന് 4ഓടെ മഹാശോഭായാത്ര പുറപ്പെടും. റെയിൽവേ സ്റ്റേഷൻ, മൈതാനം, താലൂക്ക് ആശുപത്രി, കിളിത്തട്ട് മുക്ക് എന്നിവിടങ്ങളിലൂടെ സഞ്ചരിച്ച് 5ന് വർക്കല ജനാർദ്ദനസ്വാമി ക്ഷേത്ര സന്നിധിയിൽ സമാപിക്കും. ശോഭ യാത്ര കടന്നു പോകുന്ന വഴികളിൽ നിറപറയും നിലവിളക്കും കൊളുത്തി എതിരേൽക്കും. വർക്കല പട്ടണം ഉൾപ്പെടെ വിവിധ ജംഗ്ഷനുകളിൽ ഗോകുല നൃത്തം, ഉറിയടി എന്നിവ ഉണ്ടായിരിക്കും.