പാറശാല:ഭാരതീയ വിദ്യാപീഠം സെൻട്രൽ സ്‌കൂളിൽ ' ആസാദി കാ അമൃത് ' മഹോത്സവത്തിന്റെ ഭാഗമായി തിരംഗയാത്ര സംഘടിപ്പിച്ചു.പാറശാല ബ്ലോക്ക് പഞ്ചായത്ത് പ്രസിഡന്റ് ബെൻഡാർവിൻ ഉദ്‌ഘാടനം ചെയ്തു.പഞ്ചാരി മേളത്തോടെ നടന്ന ഘോഷയാത്രയിലെ വിവിധ കലാരൂപങ്ങളും കുട്ടികളുടെ കലാപ്രകടനങ്ങളും സ്വാതന്ത്ര്യ സമര സേനാനികളുടെ വേഷപ്പകർച്ചകളും പരിപാടിക്ക് മാറ്റ് കൂട്ടി.വിദ്യാർത്ഥികൾ,പൂർവ്വ വിദ്യാർത്ഥികൾ,അദ്ധ്യാപകർ,അനദ്ധ്യാപകർ,സമിതി അംഗങ്ങൾ, രക്ഷകർത്താക്കൾ,പ്രദേശവാസികൾ തുടങ്ങി നാലായിരത്തിലധികം പേർ ഘോഷയാത്രയിൽ പങ്കെടുത്തു.