തിരുവനന്തപുരം: ദക്ഷിണേന്ത്യ സഭയുടെ (സി.എസ്.ഐ) പാസ്റ്ററൽ കൺസേൺസ് ഡയറക്ടറായി അനിലാൽ എം.ജോസ് ചുമതലയേറ്റു. സി.എസ്.ഐ സിനഡ് ആസ്ഥാനമായ ചെന്നൈയിൽ 3 വർഷത്തേക്കാണ് നിയമനം. കേരളം, തമിഴ്നാട്, കർണാടക, ആന്ധ്രപ്രദേശ്, തെലങ്കാന എന്നീ സംസ്ഥാനങ്ങളിലെ 23 മഹായിടവകകളും ശ്രീലങ്കയിലെ ജാഫ്ന മഹായിടവകയും ഉൾപ്പെടുന്ന സി.എസ്.ഐയിലെ പതിനയ്യായിരത്തിലധികം ഇടവകകൾക്കുള്ള പൊതുവായ ആരാധനാക്രമം, അൽമനയ്ക്ക് എന്നിവ തയാറാക്കുക, പാസ്റ്ററൽ മിനിസ്ട്രി മെച്ചപ്പെടുത്തുന്നതിനുള്ള രൂപരേഖ തയാറാക്കുക തുടങ്ങിയവയാണ് പാസ്റ്ററൽ കൺസേൺസ് ഡിപ്പാർട്ട്‌മെന്റിന്റെ ദൗത്യം.
സി.എസ്.ഐ ദക്ഷിണ കേരള മഹായിടവകയിലെ കഴിവൂർ സഭാ ശുശ്രൂഷകനായിരുന്നു. മഹായിടവക ജയിൽ മിനിസ്ട്രി കോ ഓർഡിനേറ്റർ, മഹായിടവക എക്സിക്യൂട്ടീവ് കമ്മിറ്റി അംഗം, കേരള യുണൈറ്റഡ് തിയോളജിക്കൽ സെമിനാരി കമ്മ്യൂണിക്കേഷൻസ് അദ്ധ്യാപകൻ തുടങ്ങിയ നിലകളിൽ സേവനമനുഷ്ഠിച്ചിട്ടുണ്ട്. റ്റി.എസ്. റ്റീജ (അദ്ധ്യാപിക, ഇവാൻസ് എച്ച്.എസ്. പാറശാല) ഭാര്യയും എ.ആബിത് ലാൽ, എ.റ്റി.അനീജ എന്നിവർ മക്കളുമാണ്.