വാമനപുരം:കർഷക ദിനത്തിൽ വാമനപുരം നിയോജക മണ്ഡലത്തിലെ കർഷകരെ ആദരിക്കുന്ന ചടങ്ങ് ഡി.കെ.മുരളി എം.എൽ.എ ഉദ്‌ഘാടനം ചെയ്തു.വാമനപുരം,കല്ലറ,പാങ്ങോട്,പെരിങ്ങമ്മല,നന്ദിയോട്,ആനാട്,പനവൂർ,പുല്ലമ്പാറ,നെല്ലനാട് എന്നീ ഗ്രാമ പഞ്ചായത്തുകളിലെ 117 കർഷകരെ ചടങ്ങുകളിൽ ആദരിച്ചു.കൂടാതെ ആനാട് ഗ്രാമപഞ്ചായത്തിൽ നടന്ന പരിപാടിയിൽ വീട്ടുവളപ്പിൽ കൃഷി ചെയ്ത് വിജയിച്ച 100 വീട്ടമ്മമാരെയും പാങ്ങോട് ഗ്രാമ പഞ്ചായത്തിൽ നിന്ന് സംസ്ഥാന അവാർഡ് നേടിയ രണ്ടുപേരെയും ആദരിച്ചു.ഗ്രാമപഞ്ചായത്തുകളും കൃഷി ഭവനുകളും സംയുക്തമായാണ് പരിപാടികൾ സംഘടിപ്പിച്ചത്.കാർഷിക വിളംബര ജാഥയും,കർഷക ചന്തകളും, സെമിനാറുകളും, തൈ നടീലും പരിപാടികൾക്ക് മാറ്റ് കൂട്ടി. പഞ്ചായത്ത് പ്രസിഡന്റുമാർ, ഉദ്യോഗസ്ഥർ, ത്രിതല പ ഞ്ചായത്തംഗങ്ങൾ, കൃഷി ഓഫീസർമാർ, സാമൂഹ്യ സാംസ്കാരിക രാഷ്ട്രീയ പ്രതിനിധികൾ തുടങ്ങിയവർ പങ്കെടുത്തു.