നെയ്യാറ്റിൻകര: കോൺഗ്രസ്‌ ആറാലുംമൂട് മണ്ഡലം കമ്മിറ്റിയുടെ നേതൃത്വത്തിൽ മുൻ ഇന്ത്യൻ പ്രധാനമന്ത്രി രാജീവ് ഗാന്ധിയുടെ ജന്മദിനാചാരണം സംഘടിപ്പിച്ചു. ആശുപത്രി ജംഗ്ഷനിൽ നടന്ന ചടങ്ങിൽ കെ.പി.സി.സി ജനറൽ സെക്രട്ടറി അഡ്വ. മര്യാപുരം ശ്രീകുമാർ ഉദ്ഘാടനം ചെയ്തു.മണ്ഡലം പ്രസിഡന്റ് എം.സി.സെൽവരാജ് അദ്ധ്യക്ഷത വഹിച്ചു.ഡി.സി.സി ജനറൽ സെക്രട്ടറിമാരായ മാരായമുട്ടം സുരേഷ്, അഡ്വ. എം. മുഹിനുദീൻ, ആർ.ഒ അരുൺ, ബ്ലോക്ക്‌ കോൺഗ്രസ്സ് പ്രസിഡന്റ് വി.കെ അവനീന്ദ്രകുമാർ, യൂത്ത് കോൺഗ്രസ്‌ സംസ്ഥാന ജനറൽ സെക്രട്ടറി നിനോ അലക്സ്‌, ഐ.എൻ.ടി.യു.സി നിയോജക മണ്ഡലം പ്രസിഡന്റ് പത്താം കല്ല് സുഭാഷ്, അഡ്വ. എൽ.എസ് ഷീല, ഹക്കിം, വഴിമുക്ക് സെയ്ദലി, പ്രവീൺരാജ് തുടങ്ങിയവർ പങ്കെടുത്തു.ലോഡിംഗ് ആൻഡ് ജനറൽ വർക്കേഴ്സ് യൂണിയൻ ഐ.എൻ.ടി.യു.സി.നെയ്യാറ്റിൻകര നിയോജക മണ്ഡലം കമ്മിറ്റിയുടെ നേതൃത്വത്തിൽ രാജീവ് ഗാന്ധിയുടെ ജന്മദിനം സദ്ഭാവനാ ദിനമായി ആചരിച്ചു. നിയോജക മണ്ഡലം പ്രസിഡന്റ് അമരവിള സുദേവ കുമാർ ഉദ്ഘാടനം ചെയ്തു.ഷാജഹാൻ ,സ്റ്റാൻലി , വിനു, ഹസീന, സുരേന്ദ്രൻ തുടങ്ങിയവർ പങ്കെടുത്തു.