കിളിമാനൂർ:ന​ഗരൂർ പഞ്ചായത്തിലെ വെള്ളല്ലൂർ ഇടവനക്കോണം തെറ്റിക്കുഴി കുടിവെള്ളപദ്ധതി നാടിന് സമർപ്പിച്ചു.കിളിമാനൂർ ബ്ലോക്ക് പഞ്ചായത്ത് ജനകീയാസൂത്രണ പദ്ധതി പ്രകാരം 8ലക്ഷം രൂപ വിനിയോ​ഗിച്ചാണ് തെറ്റിക്കുഴി കോളനിയിലെ 41 കുടുംബങ്ങൾക്ക് പ്രയോജനകരമായ പദ്ധതി നടപ്പിലാക്കിയത്. പദ്ധതിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് ബി.പി. മുരളി നിർവഹിച്ചു.പഞ്ചായത്ത് പ്രസിഡന്റ് ഡി.സ്മിത അദ്ധ്യക്ഷത വഹിച്ചു. ജില്ലാപഞ്ചായത്തം​ഗം ജി.ജി ​ഗിരികൃഷ്ണൻ,ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീജ,പഞ്ചായത്ത് ജനപ്രതിനിധികൾ തുടങ്ങിയവർ പങ്കെടുത്തു.പഞ്ചായത്തംഗം എം.രഘു സ്വാ​ഗതം പറഞ്ഞു.