കിളിമാനൂർ:ചൂട്ടയിൽ കസ്തൂർബ സർവീസ് സഹകരണ ബാങ്ക് നവീകരിച്ച നീതി സ്റ്റോറിന്റെയും സൂപ്പർമാർക്കറ്റിന്റെയും ഉദ്ഘാടനം ബാങ്ക് ആക്‌ടിംഗ് പ്രസിഡന്റ് എസ്.ഗോപാലകൃഷ്ണൻ നിർവഹിച്ചു.ചിറയിൻകീഴ് താലൂക്ക് സർക്കിൾ സഹകരണ യൂണിയൻ മുൻ മെമ്പർ കെ.വിജയൻ ആദ്യവില്പന എ.ഷീജാ ബീഗത്തിന് നൽകി നിർവഹിച്ചു.എസ്.ഗോപാലകൃഷ്ണന്റെ അദ്ധ്യക്ഷതയിൽ സെക്രട്ടറി ആർ.ഉണ്ണി കൃഷ്ണൻ നായർ സ്വാഗതവും ജി.രഘുനാഥൻ നന്ദിയും പറഞ്ഞു.ബാങ്ക് മുൻ പ്രസിഡന്റുമാരായ എൻ.പ്രകാശ്,എസ്.ശ്രീകുമാർ,എസ്.രംഗൻ,ബി.പ്രേമചന്ദ്രൻ,വി.സോമരാജക്കുറുപ്പ്,കേശവൻ നായർ,ബാങ്ക് ഭരണസമിതി അംഗങ്ങൾ എന്നിവർ സംസാരിച്ചു.