തിരുവനന്തപുരം:നൈറ്റ്‌ലൈഫ് നഗരങ്ങളുടെ പട്ടികയിലേക്ക് ഇനി തിരുവനന്തപുരവും. സ്റ്റാർട്ടപ്പ് ലക്ഷ്വറി ഹോസ്പിറ്റാലിറ്റി ബ്രാൻഡായ 'ഓഫോറി'യാണ് ജില്ലയിലെ ആദ്യത്തെ നൈറ്റ് ക്ലബിന് എയർപോർട്ട് റോഡിൽ ഇൗഞ്ചയ്ക്കലിന് സമീപം തുടക്കം കുറിച്ചിരിക്കുന്നത്. 4500 ചതുരശ്ര അടിയിൽ മൂന്ന് നിലകളിലായാണ് ക്ലബ്‌ പ്രവർത്തിക്കുക. അന്താരാഷ്ട്ര നിലവാരത്തിലുള്ള ഡാൻസ് ഫ്ലോറുകൾ,ഭക്ഷണശാലകൾ,കൂട്ടായ ആഘോഷങ്ങൾക്ക് പ്രത്യേക സൗകര്യം എന്നിങ്ങനെ നിരവധി പ്രത്യേകതകൾ ഓഫോറി നൈറ്റ്‌ ക്ലബിനുണ്ട്. ദിവസവും വൈകുന്നേരങ്ങളിൽ കലാപരിപാടികൾ നടക്കും. വാരാന്ത്യങ്ങളിൽ ബാൻഡുകൾ ഉൾപ്പെടെ പ്രത്യേക പരിപാടികളും ഉണ്ടാകും. സ്ത്രീ സൗഹൃദ ക്ലബായ ഓഫോറിയിൽ ബുധനാഴ്ചകളിൽ സ്ത്രീകൾക്കായി പ്രത്യേകം പരിപാടികളും സംഘടിപ്പിക്കുന്നുണ്ട്.അന്താരാഷ്ട്ര ശൈലിയിൽ ഒരുക്കിയിരിക്കുന്ന നൈറ്റ്‌ ക്ലബ് തലസ്ഥാനത്തെ നൈറ്റ്‌ ലൈഫിനും അനുബന്ധ വ്യവസായങ്ങൾക്കും ഉണർവേകുമെന്ന് ഓഫോറി ക്ലബ് എം.ഡി സുജിത് സുരേന്ദ്രൻ പറഞ്ഞു. തിരുവനന്തപുരം കൂടാതെ കേരളത്തിലെ മറ്റ് നഗരങ്ങളിലും,ദക്ഷിണേന്ത്യൻ നഗരങ്ങളിലും ഓഫോറിക്ക് നൈറ്റ്‌ ക്ലബുകൾ തുടങ്ങാൻ പദ്ധതിയുണ്ട്.രാവിലെ 10 മുതൽ വൈകിട്ട് 5 വരെയും രാത്രി 7 മുതൽ 12 മണി വരെയുമാണ് പ്രവർത്തനസമയം.