തിരുവനന്തപുരം: തലയ്ക്കോട് ശ്രീ സുബ്രഹ്മണ്യ സ്വാമി ക്ഷേത്രത്തിൽ ഗണേശോത്സവത്തിന്റെ ഭാഗമായി 31ന് പതിവ് പൂജകൾക്ക് പുറമേ രാവിലെ 6 മുതൽ 12 വരെ അഷ്ടദ്രവ്യ കൂട്ട് മഹാഗണപതിഹോമവും വിശേഷാൽ പൂജയും നടക്കും.

ചിങ്ങമാസ ഷഷ്ഠിവ്രത പൂജയോടനുബന്ധിച്ച് 2ന് പതിവ് പൂജകൾക്ക് പുറമേ രാവിലെ 8 മുതൽ കേരള വേദ താന്ത്രിക ജ്യോതിഷ പഠന കേന്ദ്രത്തിന്റെ നേതൃത്വത്തിൽ സ്കന്ദ പുരാണ പാരായണം, 10ന് സുകൃതഹോമം, 11.30ന് അഭിഷേകം, 12ന് ഷഷ്ഠിവ്രതപൂജ, 1ന് പ്രസാദ വിതരണം എന്നിവയും നടക്കും. പഠനകേന്ദ്രം ഡയറക്ടർ മുല്ലൂർ കെ. ശശിധരൻ മുഖ്യകാർമ്മികത്വം വഹിക്കും. ഫോൺ: 9495556638.