തിരുവനന്തപുരം: വിഴിഞ്ഞം തുറമുഖ സമരത്തിൽ സർക്കാരിന്റെ കഴിവുകേടാണ് പുറത്തുവരുന്നതെന്നും ന്യായമായ അവകാശങ്ങൾ ചർച്ച ചെയ്‌ത് പരിഹരിക്കാൻ സർക്കാർ തയ്യാറാകണമെന്നും ബി.ജെ.പി ജില്ലാ പ്രസിഡന്റ് വി.വി. രാജേഷ് പറഞ്ഞു. തുറമുഖ നിർമ്മാണം നിറുത്തിവയ്‌ക്കണമെന്ന ആവശ്യത്തോട് യോജിക്കാനാവില്ല. സമരം തുടരുന്നത് സംസ്ഥാനത്ത് നിക്ഷേപം നടത്താൻ പറ്റാത്ത സാഹചര്യമാണെന്ന പ്രതീതി സൃഷ്ടിക്കുമെന്നും അദ്ദേഹം പറഞ്ഞു.