നാഗർകോവിൽ: കഞ്ചാവുമായി രണ്ട് പേർ പിടിയിൽ. വള്ളിയൂർ പാറയടി സ്വദേശി രാമ്മയ്യ (38), തൂത്തുകുടി സ്വദേശി അന്തോണി സുരേഷ് (54) എന്നിവരാണ് അറസ്റ്റിലായത്. കഴിഞ്ഞ ദിവസം രാത്രിയായിരുന്നു സംഭവം. ജില്ലാ പൊലീസ് മേധാവി ഹരികിരൺ പ്രസാദിന്റെ നേതൃത്വത്തിലുള്ള എസ്.ഐ മഹേശ്വരരാജിന്റെ പ്രത്യേക സംഘമാണ് പ്രതികളെ പിടികൂടിയത്. ആരുവാമൊഴിയിൽ കഞ്ചാവ് കൈമാറ്റം നടക്കുന്നതായി പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ വാഹന പരിശോധനയിലാണ് കഞ്ചാവ് പിടികൂടിയത്. പ്രതികളുടെ കൈവശം നിന്ന് രണ്ട് കിലോ കഞ്ചാവും, ഒരു ബൈക്കും, ഒരു വെയ്റ്റിംഗ് മെഷീനും, മൂന്ന് മൊബൈൽ ഫോണും,ഒരു കത്തിയും പൊലീസ് പിടിച്ചെടുത്തു. ആരുവാമോഴി പൊലീസ് സ്റ്റേഷനിൽ എത്തിച്ച പ്രതികളെ കോടതി റിമാൻഡ് ചെയ്തു.